rc 0729/09/tgi/nyge urupapuro rwa 1 urukiko rwisumbuye

rc 0729/09/tgi/nyge urupapuro rwa 1 urukiko rwisumbuye

RC 0729/09/TGI/NYGE
URUPAPURO RWA 1
URUKIKO RWISUMBUYE RWA NYARUGENGE RURI I NYARUGENGE
RUHABURANISHIRIZA IMANZA Z’IMBONEZAMUBANO RUCIYE URUBANZA
RC 0729/09/TGI/NYGE KUWA 05/08/2010 MU BURYO BUKURIKIRA:
ABABURANA:
UREGA: COGEAR s.a RC n°1043/Kig B.P. 2753 Kigali.
UREGWA: Fonds de Garantie Automobile B.P.7359Kigali.
IKIREGERWA :-Gusubiza COGEAR 921.895fr yatanze kubera impanuka yatewe
n’imodoka itagira ubwishingizi hiyongereyeho na 19% zibarwa uhereye igihe Fonds de
Garantie Automobile yaboneye integuza,
- Gutegeka Fonds de Garantie Automobile kuriha amafaranga 500.000fr
y’ikurikiranarubanza,
- Gutegeka Fonds de Garantie Automobile kuriha 500.000fr y’igihembo
cya avocat.
I. IMITERERE Y’URUBANZA
(1) COGEAR yareze Fonds de Garantie Automobile isaba ko yayishyura amafaranga
COGEAR yakoresheje imodoka Jeep T. Land Cruiser RR 15.30A kubera impanuka yabaye
kuwa 15/02/2002 itewe n’imodoka Jeep Hyundai Galloper RR 11.60 IT idafite ubwishingizi.
(2) Maitre Ruzindana uhagarariye COGEAR s.a yasobanuye ko ubwo imodoka Hyundai
Galloper RR 15RR11.06 IT yavaga mu muhanda uva Stade Amahoro igeze muri feux rouge
za Chez Lando aribwo yakase ishaka kujya Giporoso igongana na Jeep T Land Cruiser
RR15.30A yavaga Kicukiro ishaka kujya Remera Stade.
II. ISESENGURA Y’IBIBAZO BIGIZE URUBANZA
(3) Ku byerekeye n’ikirego cyatanzwe :
Maitre Ruzindana uhagararaiye COGEAR s.a yasobanuye ko ikirego cye gishingiye ku
mpanuka yabaye itejwe na chauffeur wa Jeep Hyundai Galloper RR11.06 IT utararetse uwari
utwaye Jeep T. Land Cruiser RR 15.30A ngo itambuke kuko yari afite uburenganzira(priorité)
nk’uko bigaragazwa na P.V de synthèse d’accident de roulage, ibi bikaba bishimangirwa na
PV de synthèse d’accident yakozwe n’umugenzacyaha yemeje ko « icyateye impanuka
hakurikijwe aho imodoka zavaga naho zerekezaga basanga impanuka yaratewe na chauffeur
wa Jeep Hyundai Galloper RR11.06 IT utararetse uwari utwaye Jeep T.Land Cruiser RR
15.30 A ngo atambuke dore ko ariwe wari ufite priorité. » ingingo ya 2 y’itegeko n°04/2002
ryo kuwa 19/01/2002 rishyiraho ikigega cy’ingoboka ku binyabiziga isobanura ko ikigega
cy’ingoboka Fond de Garantie Automobile cyashyiriweho kugoboka abantu bangirijwe
n’ikinyabiziga iyo icyo kinyabiziga kitamenyekanye cyangwa iyo nta bwishingizi gifite, kuba
rero nk’uko byasobanuwe na PV de synthèse d’accident yemeje ko imodoka Jeep Hyundai
RC 0729/09/TGI/NYGE
URUPAPURO RWA 2
Galloper RR11.06 IT ariyo yagonze imodoka Jeep T. Land Cruiser RR 15.30A, ibisobanurwa
na Maitre Nkurunziza uhagarariye Fond de Garantie Automobile ko nta masezerano Fonds de
Garantie yakoranye na COGEAR bikaba nta shingiro bifite kubera ko kuba imodoaka ifite
ubwishingizi muri COGEAR yangijwe n’imodoka idafite ubwishingizi bitagomba kuba hari
amasezerano hagati ya COGEAR na Fonds de Garantie ngo Fonds de Garantie yishyure ayo
COGEAR s.a yatanze ikoresha imodoka yagonzwe n’imodoka idafite ubwishingizi, bityo
amafaranga COGEAR s.a yaka ikaba igomba kuyahabwa.
(4) COGEAR s.a yatse inyungu za 19% zibarwa uhereye igihe Fonds de Garantie yaboneye
integuza, ibi bikaba nta shingiro bifite kubera nta masezerano Fonds de Garantie yagiranye na
COGEAR ko igomba kumwishyura igihe runaka ngo noneho ibe itarabyubahirije nk’uko
ingingo ya 51 CCLIII ibiteganya kandi kuba batarabashije kumvikana ku buryo
yakwishyurwa urubanza rukaza mu rukiko ibyo bitasabirwa inyungu kuko urukiko arirwo
biyambaje mu kugena indishyi z’iyo mpanuka , ibyo rero batabisabira inyungu kuko
bidashingiye ku nshingano uregwa yaba atarubahirije mu gihe.
(5) COGEAR s.a yatse indishyi z’ikurikiranarubanza zingana na 500.000fr n’iz’igihembo cya
aviocat zihwanye na 500.000fr, ingingo ya 258 CCLIII ikaba isobanura ko igikorwa cyse
cy’umuntu cyangirije undi gitegeka nyirugukora ikosa rigikomokaho kuriha ibyangiritse,
bityo Fonds de Garantie Automobile ikaba igomba gutanga izo ndishyi ariko mu bushishozi
bw’urukiko COGEAR ikazigenerwa kuko yatse iz’ikirenga.
(6) Maitre Nkurunziza yatanze ikirego kigamije kwiregura(demande reconventionnelle) isaba
ko COGEAR yayishura 500.000fr y’ikurikiranarubanza na 500.000fr y’igihembo cya avocat,
ibi bikaba nta shingiro bifite kubera ko nk’uko byasobanuwe haruguru ari Fonds de Garantie
Automobile igomba kwishyura kubera impamvu zasobanuwe haruguru.
III. ICYEMEZO CY’URUKIKO
(7) RWEMEJE ko ikirego rwashyikirijwe na COGEAR s.a gifite ishingiro.
(8) RUTEGETSE Fonds de Garantie Automobile kwishyura COGEAR s.a 921.895fr,
50.000fr y’ikurikiranarubanza, na 200.000fr y’igihembo cya avocat, yose hamwe akaba
angana na 1.171.895fr.
(9) RUTEGETSE Fonds de Garantie Automobile kwishyura 4% ya 1.171.895fr=46.875fr, mu
gihe giteganywa n’amategeko.
(10) RUTEGETSE Fonds de Garantie Automobile kwishyura amagarama y’urubanza angana
na 4.000fr, mu gihe giteganywa n’amategeko.
NI UKO RUKIJIJWE KANDI RUSOMWE MU RUHAME KUWA 05/08/2010.
UMWANDITSI
UMUCAMANZA
KAYITESI Halima
Sé
UWANTEGE Yvette
Sé