OZALI KOKANISA MBOKA NA YO?

OZALI KOKANISA
MBOKA NA YO?
Programe Bozongi Mboka ekoki kokomisa yo kuna.
Programe oyo ebengami ‘bozongi-mboka’ ekosalisa yo mpona kobongisa kozonga
na yo na mboka na yo. Lisusu, Fedasil ekolandela sitwasion na yo pe ekoki kopesa yo
lisungi ya ndenge mingi.
Olingi oyeba mingi?
Benga 0800 32 745 (ya ofele)
to senga bayamba yo na Guichet Retour
57 Chaussée d’Anvers, 1000 Bruxelles,
kobanda 9h30 ti 16h
This project was realized with the
support of the European Refugee Fund
Progress by Return
1. Bozongi mboka na mokano na yo
moko elingi koloba nini ?
Bozongi mboka na mokano na yo moko
ezali mpona ntina ya bapaya nyoso oyo
bazali na ndingisa ya kovanda na mboka
Belgique te. Yo moko nde okopona
kozonga na mboka na yo. Mobembo
yango esalamaka kaka ndenge moko na
mibembo nyoso. Bakonzi ya mboka na
yo bakoyeba te ete ozali koya. Eloko pe
kobanga ezali te soki obongoli makanisi
na nsuka mpe olobi olingi lisusu kozonga
na mboka na yo te.
2. Nakoki kosenga kozonga na mboka
na ngai ndenge nini ?
Mpona kozwa liyebisi to kosenga
kokutana, benga na nimero ya ofele
0800 32 745. Okoki mpe koya yo moko
na Guichet Retour kobanda na 9h30 ti
na 16h, na Chaussée d’Anvers 57, 1000
Bruxelles (Dispatching Fedasil).
Mosali moko ya Fedasil oyo atalaka
makambo ya bozongi mboka akoyanola
mituna na yo mpe akosalisa yo obongisa
bozongi na yo na mboka na yo.
Keba ! : osengeli koya na mikanda na yo
nyoso oyo ezali na ntina.
3. Nani akobongisa bozongi na ngai
na mboka?
Fedasil abongisaka programe ya
bozongi mboka soki yo moko olingi.
OIM (Organisation internationale ya
Migrations) mpe abongisaka bozongi
ya bato na mboka na bango (na mpepo,
to na bisi pona bikolo ya Balkans). OIM
elongo na Caritas bandimi kosalisa yo
soki okomi kuna na mboka na yo.
4. Esengeli kofuta mbongo?
TE, biloko oyo okofutela yango mbongo te:
• tike ya mpepo / tike ya bisi
• kokende na yo ti na libanda ya mpepo
/ to na gare ya bisi
• Mokanda ya mobembo (yo moko
okokende
koluka
yango
kasi
bakozongisela yo mbongo na ntango
ya mobembo).
Lisusu, bato oyo bawuti na bamboka oyo
esengaka viza mpona kokota na Belgique
(longola Kosovo) bakozwa mbano ya
bozongi mboka (prime de retour).
5. Nakoki komema biloko na ngai ya
kilo boni ?
Esengeli kotosa mibeko ya kompani ya
mpepo to ya bisi na oyo etali mikumba
ya komema : okoki kolekisa ndelo
ya mikumba to kilo ya mikumba oyo
endingisami mpona moto moko. Na
yango kolekisa mikumba ebele te !
6. Moto akosalisa ngai na mobembo?
Ee, na ntango ya kokende, mosali moko
ya OIM akoyamba yo mpe akopesa yo
tike na yo ya mpepo na mbano (prime)
na yo mpe lisusu akokende na yo ti na
esika ya kosala contrôle liboso obima na
mboka. Moto mosusu mpe akozela yo
esika okokoma. Bakosenga yo omema
saki moko ya plastike ya OIM mpo moto
oyo akoyamba yo kuna akoka kamona yo.
7. Ezali mpasi mingi kobika na mboka
na ngai, lisungi nini bokoki kopesa ngai?
Tozali na bisika oyo bakoki kosalisa yo
na mboka na yo. Fedasil apesaka lisalisi
ya ndenge mingi : ezali kolandana na
evandeli na sitwasion na yo awa na
Belgique mpe na mboka na yo epai owuti.
Lisalisi yango etali ndenge nini okoki
kobanda kosala mombongo, kofutela yo
ba nkisi na lopitalo, kosunga yo mpona
kozwa mosala, bongo na bongo…
Brochure oyo ezali kolobela bapaya ba oyo bazali na ndingisa
ya kovanda na mboka Belgique te. Ekomami na minoko 11 :
albanais, arabe, farsi, lingala, pashto, peul, russe, serbe,
anglais, français et néerlandais. Ekoki mpe kozwama na nzela
ya Interneti na www.retourvolontaire.be.