La transcription du manuscrit - Archives municipales de Lyon

Transcription

La transcription du manuscrit
Calcabeau des Grabelles sur les
drogues et epiceries, 1519
N° XI (barré)
Avec les ordonnances du Consulat pour
le chastiment des refractaires ; où se voit
que Messieurs de la Ville sont assesseurs
du juge conservateur, et qu’aux criées
et affiches publiques ilz y sont
nommez conjointement avec luy
et que leur juridiction est commune
Folio XII verso et XXIII
Archives municipales de Lyon - le Garbeau de l'épicerie 1519 - CC 4292
© Crédits
Reproductions photographiques : Gilles Bernasconi, Archives municipales de Lyon
Commentaires : Tania Levy, doctorante en histoire de l'art, La Sorbonne-Paris IV et chargée d'étude et de recherche, I.N.H.A
Anne-Catherine Marin, Archives municipales de Lyon
Transcription : Thomas Bernard, élève de l’Ecole des Chartes / Anne-Catherine Marin, Archives municipales de Lyon
Graphisme et assistance technique : Esprit public
2v°
S’enssuyvent les ordonnances faictes
touchant le garbeau de la ville de Lyon
par messieurs les conseilliers ensemble [=avec] tous
marchands grossiers [= de gros] espiciers et appoticqueres
signez ausdictes ordonnances à moy Guillaume
Gauteret, marchant appoticquere dudit
Lyon, bailleez en la mayson de la ville comme
appart à ma lettre d’office, baillée par mesdits
seigneurs le Jeudi dernier jour de Juing [=juin] l’an
mil cincq cens dixneuf [=1519] dont la teneur s’enssuit
Messires Bonaventure Thomassin,
André Briand, docteurs, Claude de Varey,
Jehan Faye, Francoys Fournier, Benoist
Rocheffort, Jehan Brotet, Claude Regnault
Jehan Lorideau, à la charge et exercice
du garbeau et visitacion a esté commis
Guillaume Gauteret, au lieu de Véran Chalendat,
qui là par cy devant exerce et jusques et
tant qu’il plaira à mesdits seigneurs les
conseilliers et leurs successeurs et non
aultrement, parmy ce qu’il sera tenu
l’exercer en sa personne et en son
absence le pourra faire exercer par
Pierre Gauteret son frère et nom [= non] par
aultre qui aussi fera le serement [=serment] acostumé
et l’exercera selon les articles qui sur ce
© Crédits
3r°
luy seront baillez par mesdits seigneurs ;
Ce que ledit Guillaume a promys et juré
faire bon et loyaulement sans y commectre
fraud, barat [=fourberie] ne tromperie ; présens Guillaume
de la Balme et Symon Ravenat, tesmoings
Extraict des actes du consullat de la
ville et communaulté de Lyon par moy
notere royal, clerc greffier et secretere
d’icelles J Granier
Et feurent réforméez lesdictes ordonnances
le mardi sainct, troisième jour d’apvril [= 3 avril]
l’an que dessus mil VC XIX [=1519] devant [= avant] Pasques,
touchant marchandises tant espiceries
drogues et aultres qui se doyvent garbeller
et visitées en ceste dicte ville de Lyon,
données et octroyées de part le très crestien
Roy de France notre sire Francoys premier de
ce nom et aussi par arrest de la vénérable
Court de parlement de Parys contre Jehan
Gauthier, appoticquere de Lyon, qu’il prétendoit
d’avoir, dont ledict Gauthier en fust débouté ;
Et fust criez, par les lieulx acoustumez
de crier, ledict garbeau ; bailléez et délivrées
à mesdits seigneurs les conseilliers de ceste dicte
ville de Lyon, eulx estant au consullat,
c’est assavoir monsieur maistre André Briand,
premier médecin et conseillier du roy notre
sire, monsieur maistre Symphorien Champier
© Crédits
3v°
docteur en médecine et médecin de
Monseigneur le duc de Lorrayne, sire Jehan
Faye, marchand grossier [= de gros] de ceste dicte ville,
monsieur de Balmont, monsieur de Velyn Dodieu,
monsieur l’esleu de Lyon [= responsable de l’élection, circonscription financière de répartition
des impôts], sire Anthoyne
de Vignoulx, sire Claude Regnault, marchant
cytoyen dudit Lyon, sire Francoys Fournier,
sire Benoist Rocheffort, monsieur le
grenetier Dolhion, sire Jehan Lorideau,
sire Rollin Chausson et le sire Amyer
Bullioud Tretons, borgoys et cytoyens de
ladicte ville et à monsieur le procureur
Sire Benoist Berjon et à monsieur
le secretère maistre Granier pour les
enregistrer au papier de la mayson de
ladicte ville ; lesquelles pleusieurs
marchans tant espiciers grossiers [= de gros] que
appoticqueres ont veues et vistées ; qu’ilz
les ont trouvéez bonnes et beaucopt
se sont signéez, tant borgois de ladicte
Ville que les estrangiers, c’est assavoir
Pour le premier, monsieur le
Recepveur sire Nycolet de Pierre vive,
Monsieur de Peysse, seigneur Pierre
Faye, le sire Anthoyne Milhet, le sire
Anthoyne Ricquet, le sire Claude Roche,
le sire Francoys Scarron, le sire
Michiel Teste, le sire Claude de Rivoyre,
© Crédits
4r°
le sire Anthoyne Gondi, le sire Pierre
Laudin, facteur du sire Guillaume Nazi, le
sire Francoys Panchati, le sire Jehan
Chienz Manelly, le sire Jehan Cadmus,
le sire Jehan Falquet, le sire Jacques
de Bripio, filz du sire Jehan Anthoyne,
le sire Philibert Chevrot, le sire
Jehan de Dijon, gendre du sire Philippe
Bellon et aussi beaucopt d’aultres ;
Lesquels garbeaulx et ordonnances
m’ont estez bailléez à moy Guillaume Gauteret,
appoticquere de Lyon, estant au consullat
pour l’exercer, visiter et faire garbeller
lesdictes marchandises par quatre
garbelleurs commis et jurés de ladicte
ville de Lyon, c’est assavoir Marinet,
Chanier, le Rey et Joly Pey. Et fauldra
marquer lesdictes marchandises aut
cachept à la manière acoustumée et au
dessus des balles dessus la closture [= fermeture]
du sact [= sac] ung grant lyon noyr [= un grand lion noir] rampant
aut dessus troys fleur de lys et aulx
garbeaulx une barre en façon d’une croys [= croix]
Sainct-André venant à la forme de deux
cueurs [= cœurs] en telle sorte [dessin]. Et quant à la
marchandise marinée [= ayant reçu de l’eau de mer] ou qu’il y aye [= ait] tare
sera marquée dudit cachept le lyon de
dessus ensemble les troys fleur de lys
© Crédits
4v°
ayant une barre à travers ainsi que
sera icy après déclairées
Et premièrement
Tous gingembres et mesquins
se garbelleront aut garbeau acostumé
pourveu que les garbelleurs commys
à garbeller ne mectront dedans
le crible que le tiers des gingembres
et mesquins par palées de mesure que
pourroit tenir ledict crible et le
trier et ramener avecques la mein [=main]
pour ouster [=ôter] les pierres et ordures
qui pourroient estre dedans
Poyvre [=poivre] semblablement sera
garbellé aulx garbeaulx acostumé
pourveu que dedans le crible les
garbelleurs ne mectront de poyvre
dedans ledict crible sinom le tiers
par palées de mesure de ce que ledict
crible pourroit tenir Et sera bien
vanné au vant pour ouster [=ôter] le
poyvre légier, les pierres et aultres
ordures qu’ilz trouveront par dedans
Et s’il se treuve poyvre chargé et
falciffiez [=falsifié] sera advisé et regardé
© Crédits
5r°
par les commys ensemble [=avec] deux maistres
jurez du mestier pour les veoir
et congnoistre [=connaître] s’ilz sont vendables ou
non pour les marquer ce que sera
de rayson ou pour bon ou pour
mariné [= ayant reçu de l’eau de mer]
Poyvre [=poivre] long domesticq sera
semblablement garbellé, aux garbeaulx
à la manière acostumé et la pousse [=poussière]
oustée [=ôtée] et pailles et ordures
Poyvre [=poivre] long agreste et sauvaige sera
semblablement garbellé aux garbeaulx
à la manyère acostumée et la pousse
oustée [=ôtée] et pailles et ordures
Greyne de paradiz [=graine de paradis] semblablement sera
garbellée comment le poyvre [=poivre] aulx
garbeaulx à la manyère acostumée
et vanné comment dict est au vant pour
ouster [=ôter] les pailles pierres et ordures
Muscades semblablement seront
garbelléees et la pousse oustée [=ôtée] aulx
garbeaulx à la manyère acostumée par
les garbelleurs commis et mectront dedans
lesdiz garbeaulx des muscades et les
© Crédits
5v°
trier et ramener avecques [=avec] la mein [=main]
pour ouster |=ôter] toutes les rompes [=brisures] et
petites accerbez que se trouveront
par dedans Aussi pareillement s’ilz
se treuvent point de muscades qu’ilz
soyent marinéez [= ayant reçu de l’eau de mer] elles seront
oustéez [=ôtées]
et marquées pour marine
Macis semblablement sera garbellé
à la manière acostumé aulx garbeaulx
par les garbelleurs et la pousse oustée [=ôtée]
Et vanneront le blanc dehors
et ousteront les noix que se trouveront
par dedans et mectre à part et s’ilz
se treuve du macis mariné [= ayant reçu de l’eau de mer], ilz
sera
ousté [=ôté] et marqué pour marine.
Canelles seront garbellées aulx
garbeaulx acostumez et seront oustéez [=ôtées]
toutes les espées [=bâton] grosses et menues et
bien oustez [=ôtées] les pailles et ordures et
aussi les longues à part, les escanichons [= petits morceaux]
à part et le garbeau à part et s’il
se treuve de cassie ligne [=cassia lignea souvent confondue
avec la cannelle], elle sera
oustée et mise appart [= à part] aussi pareillement
sil se treuve de la canelle marinée [= ayant reçu de l’eau de mer],
dedans la bonne tant longue que
courte sera mise appart aussi s’il
© Crédits
6 r°
se treuve pareillement de l’escorce
de boys rompues par petites pièces dedans
lesdictes canelles seront oustéez [=ôtées] et
mises aut feu pour monstrer que à
une aultreffoys celluy à qui seront lesdictes
canelles ne le facent {=fassent] plus et assistera
ledict maistre commys du garbeau a veoyr [=voir]
et visiter lesdictes canelles
Giroffles seront garbellez aulx
garbeaulx acostumez pourveu qu’ilz
ne mectront que le tiers de ce que
pourroit tenir ledict crible et les
bien garbeller et vanner pour ouster [=ôter]
les pailles et ordures et chercheront
aulx meins [=mains] dedans ledict crible les
pierres et ouster [=ôter] les anthoffles [=antofle, fruit du giroflier]
et
le garbeau desdictes giroffles espoussé [=dépoussiéré]
et nectoyer. Et quant aut giroffle
trié, s’il ne se treuve bien nect [=net] et bien
trié, il sera espoussé en quelque boticque
d’espicerie quelquelle soit et quant au
giroffle mariné [= ayant reçu de l’eau de mer], tant nect que
marchant [=ayant les qualités d’une bonne marchandise]
sera marqué pour marine
Encens semblablement seront garbellez
à la manière acostumée et ousteront [=ôteront]
les figues et le noir et le mectront
© Crédits
6v°
au garbeau et aussi les pailles et
ordures seront ousteez [=ôtées] par ledict crible
Et quant au marine, sera mys appart [=à part]
Et s’ilz se treuvent dedans lesdictz encens,
des pierres blanches, tant grosses que
petites, seront ousteez [=ôtées] et gectées [=jetées] en
la rivière et celluy à qui seront
lesdictz encens, après que les garbelleurs
commys auront garbellez et espoussez,
s’ilz se treuvent par dedans des pierres
blanches ressemblant à grein d’encens,
le vendeur desdictz encens sera tenu les
faire triés et ouster lesdictes pierres
par gens commys à ce faire à ses despens
et non aultrement ou ilz ne seront point
marqué comment il est de costume de
marque
Cassie fistulle [=cassia fistulla] sera garbellée comment
ont a de costume de fere à tout la main
c’est assavoir que les garbelleurs ousteront [=ôteront]
la meschante que sonne et la courte
à la costume d’ung bon tourt de long
et le garbeau mys à part et s’il se
treuve cassie mollié [= mouillée] ou trempée, sera
bruslée et le vendeur condempné
pour obvier [=remédier] aulx dangers qu’il en pourroit
advenir
© Crédits
7r°
Gomme lacque sera garbellée
et espoussée [=dépoussiérée] à la manyère acostumée
aulx garbeaulx des encens et ouster [=ôter]
les pailles et ordures
Gomme edere [=gomme de lierre] sera garbellée et
et espoussée [=dépoussiérée] à la manyère acostumée
les paillies et ordures
Gomme arabicque sera tant
seullement espoussée [=dépoussiérée] de la terre à la
manyère accostumée et ouster [=ôter] les
paillies et ordures
Gomme draggant [=adragant] sera tant
seullement espoussée [=dépoussiérée] de la terre à la
manyère accostumée et ouster [=ôter] les
paillies et ordures
Mirre [=Myrrhe] sera garbellée et espoussée [=dépoussiérée]
de la terre à la manyère acostumée
les pailles et ordures et s’il se
treuve quelques figues noyres comment [=comme]
terre malaxée avecques gomme semblant
à la mirre, elle sera oustée et mise au
feu, aussi pareillement s’il se treuve
© Crédits
7v°
certeynes figues semblant à gomme
arabicque elles seront oustées [=ôtées] et
mises appart affin que nulle tromperie
n’y soit faicte et marquée pour bonne
Mastic sera garbellé et espoussé [=dépoussiéré]
aux garbeaulx à la manyère comme
dessus et ouster [=ôter] la terre, pallies
et ordures et marqué pour bon
Glassa sera garbellé et espoussée [=dépoussiérée]
aulx garbeaulx des encens à la
manyère acostumée et ouster [=ôter] la
terre, paillies et ordures et marquée
pour bonne
Eufforbii sera tant seullement
espoussé [=dépoussiéré] aulx garbeaulx acoustumés
et ouster [=ôter] la terre, pailles et ordures
et marqué pour bon
Gommi elempin sera tant
seullement espoussé [=dépoussiéré] aulx garbeaulx
acostumés comment la Mirre [=Myrrhe] et ouster [=ôter]
les paillies et ordures
Storacis calamite sera tant
seullement espoussé [=dépoussiéré] et ouster [=ôter] les
© Crédits
8r°
paillies et ordures
Storacis rubee [=styrax ou strorax rouge] sera tant seullement
espoussé [=dépoussiéré] et ouster [=ôter] la terre, paillies
et ordures
Scamonee sera tant seullement
espoussé [=dépoussiéré] et ouster [=ôter] la terre et
pierres, pailles et ordures s’il s’en
treuvent
Manne de Levant sera tant
seullement espoussé [=dépoussiéré] et ouster [=ôter] terre
et aultres que se trouveront par
dedans que ne doyvent pas estre
Manne de Brianson sera
tant seullement espoussé [=dépoussiéré] et ouster [=ôter]
terre et aultres que se trouveront
par dedans si aulcunes en y a
Manne de Kalabre sera
regardée et visitée par les
maistres jurez de l’art de grosserie [=épicerie en gros]
et de l’appoticquererie et du IIIe
commis pour le garbeau si elle est
point sophisticquée [=falsifiée] ou nom et aussi
si elle est point dyagrediée [=mélangée avec de la diagrède]
© Crédits
8v°
Inde sera garbellée et espoussée [=dépoussiérée]
à la manyère acostumé aulx garbeaulx
et ouster [=ôter] les paillies et ordures
Et s’il se treuve qu’elle soit falciffiée
avecques terre, sera gectée [=jetée] en la
rivyère affin que nulle tromperie
n’y soit faicte
Zedoarii [=zédoaire] sera garbellé et espoussé [=dépoussiéré]
à la manière acostumé et sera ousté [=ôter]
le rond, le plat et le bastard deshors
semblablement s’il se treuve qu’ilz soit
pertuysé [=percé] sera mis au garbeau et la
pousse [=poussière] gectée [=jetée] en la rivière
Follii [=folium indum] sera garbellé et espoussé [=dépoussiéré] à
la manyère acostumé et ouster [=ôter] les
paillies et ordures
Gallingal [=galanga] sera garbellé et
espoussé [=dépoussiéré] à la manière acoustumée
Et s’il se trouve des cannes par dedans
ledict gallingal aux garbeaulx seront
oustéez [=ôtées] aussi pareillement le marine
mys appart et quant au garbeau ilz
sera espoussé comment est de coustume
de faire
© Crédits
9r°
Barbotine sera garbellée et
espoussée [=dépoussiérée] à la manyère acoustumée
et sera oustée [=ôtée] par les garbelleurs
commis la terre, les pailles, broches
pousse et ordures que se trouveront
par dedans et mys à la rivyère
Spica nardi [=spicenard] sera garbellé
et espoussé [=dépoussiéré] aulx garbeaulx acoustumez
et seront ousteez [=ôtées] les figues que
seront noyres [=noires] par dedans et le marine
mys appart et ce que ne se trouvera
bon le gecter [=jeter] à la rivyère
Carpo balsami [=Carpo-balsamum] sera garbellé
et espoussé [=dépoussiéré] à la manyère acoustumée
par les garbeaulx et ouster [=ôter] les
pailles, ordures et pousse et les
gecter [=jeter] à la rivyère
Cubebes seront garbellées
et espoussées [=dépoussiérées] à la manyère acoustumée
et seront oustées [=ôtées] les pailles,
ordures et pousse et les gecter [=jeter]
à la ryvière
© Crédits
9v°
Cardamomi [=cardamome] sera garbellé et
espoussé [=dépoussiéré] à la manyère accoustumée
et seront ousteez [=ôtées] les paillies et
ordures et pousse et le garbeau
mys appart
Terra merita [=curcuma] sera garbellée
et espoussée [=dépoussiérée] comment le gingembre
et mesquim aux garbeaulx acoustumées
Mommie sera espoussée [=dépoussiérée] et
oustez [=ôté] la terre qui est dedans et
s’il se treuve que la dicte mommye
soit falciffiée avecques terre peige [=poix] noyre
et aultres avecques certeins ossemens
bandés avecques toylle comment s’il c’estoit
bonne mommye sera bruslée ou gectée [=jetée]
en la rivyère en disant que elle n’est
ny bonne ny loyalle et que elle est
faulce [=fausse] Et de fere peyer l’amande à
celluy ou ceulx qu’il l’apporteront
Cocques de Levant seront espousséez [=dépoussiérées]
tant seullement comment il est de costume
de fere aux garbeaulx propices à
ce faire par les quatres garbelleurs
commis à ce faire
© Crédits
10 r°
Galles grosses de Rommanye
seront garbelléez et espousséez [=dépoussiérées] à la
manière à l’acoustumée et ouster [=ôter] les
paillies et ordures que se trouveront par
dedans en oustant les galles ligières [=légères]
et marynées [= ayant reçu de l’eau de mer] que se trouveront par
dedans
Galles menues [=petites] seront garbelléez
et s’il se trouvoit des galles ligières [=légères]
desclavouyé [=détachées] ou marinéez [= ayant reçu de l’eau de
mer] seront oustéez [=ôtées]
et sera faicte tare des sacz et cordes
et se payera pour sact troys soulz tournois
ainsy comment il appert par la cryé [=criée]
faicte et criéez à son de trompe aux
carreffours de la ville à la requeste de
monsieur le conservateur sieur Nery Nazi
joingt [=avec] mesdits sieurs les conseilliers de
ceste ville de Lyon
Séné de Levant ou aultres
de quelque sorte que ce soit sera
espoussé [=dépoussiéré] aux garbeaulx à la manyère
acoustumée et seront oustéez [=ôtées] les
pailles, broches et ordures et la
pousse gecter [=jeter] à la rivyère comment
est de coustume de fere
© Crédits
10 v°
Spodii [=spodium] fin sera espousseté
tant seullement et les paillies et
ordures oustéez [=ôtées]
Tous mirabolans [=myrobolans, fruits desséchés d’Inde] c’est
assavoir mirabollans kebulz [=chébules],
mirabollans citrins, mirabollans
emblitz [=emblics], mirabollans belleriz [=bellerics] et
mirabollans Indi [=indiens] seront espoussetez
tant seullement par le garbeau
en oustant [=ôtant] les pailles et ordures
affin que lesdicts mirabollans soyent
nectz et loyal
Amandres [= amandes] seront garbellez
et espoussetez à la manyere acoustumée
par les garbeaulx Et la pousse |=poussière]
mise et gectée [=jetée] en la Rivyère et le
garbeau baillé au marchant pour
en fere à son plaisir et s’il se
trouvoit quelques balles d’amandres
quilz soient eschaufféez ou que elles
soyent mal seichés [=séchées] les fauldra
mectre apart et ne les mesler [=mélanger]
point, et s’il se treuve que elles soient
meslées, elles seront conffisquéez pour
© Crédits
11 r°
monstrer exemple a tous aultres
Ris sera versé de balle en
balle sur une serpillière et puis
sera garbellé et espoussé [=dépoussiéré] à la manière
acoustumé et les sactz ranversez
pour scavoir si lesdits satz sont
molliez [=mouillés] affin de garder le ris
quilz ne se eschauffe et gaste [=se gâte]
Et s’il se treuve quelques balles
qui soient molliées, le marchant
à qui sera le ris le fera seicher devant [=avant]
quil soit garbellé pourveu quil
soit bon et non aultrement et
le marquer pour bon
Coriandres seront garbelléez
et espousséez [=dépoussiérées] à la manyère acoustumée
par les garbelleurs commys pour
l’excercice de garbeller en oustant [=ôtant]
les paillies et ordures et pousse [=poussière]
et gecter [=jeter] en la rivyère
Fenugret [=fenugrec] sera espoussée [=dépoussiérée]
tant seulement et ouster [=ôter] les
pierres pailles ordures et pousse [=poussière]
pour les gecter [=jeter] en la ryvyère
© Crédits
11 v°
Commin [= cumin] sera garbellé
et espoussé [=dépoussiéré] à la manyère acoustumée et vanner
au
vant pour ouster [=ôter] les pailles, broches
et ordures et la terre gectée [=jetée] en la rivyère
Anys sera garbellé et espoussé [=dépoussiéré] à la
manyère acoustumée et vanner au vant
pour ouster [=ôter] les pailles broches et ordures
et la terre gectée [=jetée] a la ryvière
Yris [=Iris] tant de Florence que d’ailheurs
sera espoussé [=dépoussiéré] et garbellé a la manyère
acoustumé et s’il se treuve du noyr ou
meschant par dedans sera ousté [=ôté] et mys
à part et la terre gectée [=jetée] a la rivyère
Turbith sera garbellé et espoussé [=dépoussiéré]
à la manyère acoustumée et sera ousté [=ôté]
le boys et souches noyres et le marine
que se trouvera par dedans et la terre
gectée [=jetée] à la rivyère
Sercacolle sera espoussée [=dépoussiérée] à la
manyère acoustumée au garbeau de
la barbotine et sil se trouve quelques
grosses figues par dedans seront mys
apart et ouster [=ôter] les paillies et
ordures
© Crédits
12 r°
Hermodactes seront garbellées
et espoussées [=dépoussiérées] à la manyère acoustumée
et ouster [=ôter] les pailles et ordures
Carthami [= Carthame] sera espoussé [=dépoussiéré] tant
seullement et ouster [=ôter] les pallies et
ordures et la terre gectée [=jetée] à la rivyère
Greyne de macqualetz [=graine de mahaleb] de quoy
les perffumeurs en perffument
les gantz sera espoussée [=dépoussiérée] et oustée [=ôtée]
la terre dedans
Colloquintides [=coloquintes] seront garbellées
et espousséez [=dépoussiérées] à la manière acoustumée
Verdet [=vert-de-gris] sera faicte la tare [=pesée] necte
des cordes paillies et serpillières et
s’il se trouvoit au retourt du poys y
avoyr quelque faulceté soit en la
marchandise ou es balles et serpillieres,
ilz sera bruslé et emendé [=amende infligée] à celluy qui
le vendra et s’il se treuve deux peaulx
de cuyr en ung pein sera faicte tare
d’une des peaulx tant seullement ainsi
comment verres par la cryé faicte et
publiée à son de trompe aux quatres
© Crédits
12v°
lieux ordonnez de par monsieur le
conservateur des foyres de Lyon, sieur
Nery Nazi joinct avecques luy mesdits
sieurs les conseillers
Item a esté advisé que toutes
marchandises mal acoustréez [=arrangées] et
falcifiéez seront brusléez et émendé [=amende infligée]
au vendeur et à l’acheteur affin
de monstrer exemple à tous marchans
de ne le point fere
Item toutes les quesses [=caisses] de sucres
fins venant de Vallance la
Grant que d’ailheurs lesquelz se
vendront en quesse entière doyvent
peser 150 lb [=livres] nect de tous papiers
et s’il se trouvoit faulte au poys, ilz
seront condempnés et emendé [=amende infligée] contre
le vendeur
Item que tous marchans tant
estrangiers que de ceste ville de Lyon
seront tenuz avoir bons sacz à
mectre leurs marchandises de
bonne toille, sans point estre rompuz [=déchirés]
comme espices, drogues et aultres
comment dessus est dict ou aultrement
© Crédits
13r°
il ne se poyera [=payera] pas les cincq
solz comment ont a de costume de fere
Item a esté advisé que les
marchans, tant estrangiers que
de ceste ville de Lyon, seront tenuz
de fere tare [=pesée] des sacz et cordes de
quelque marchandise que ce soit quant
elle passe trois blancs [pièce de monnaie] pour livre
et seront tenuz bailler bons sacz pour
mectre la dicte marchandise, ou lesdits
sacz des espices et drogues ne seront
point poyer [=payés] lesdits cincq solz tournois et
quant aux galles tant grosses que
menues ne seront poyer lesdits troys
soulz tournois
Item a esté advisé que par cy
devant pleusieurs marchans, tant
estrangiers que de ceste ville de Lyon,
ont vendu pleusieurs marchandises
pour garbeau pour obvier [=remédier] au
garbellaige, venant contre les ordonnances
et coustumez de la ville, ne pourront
d’uy [=d’aujourd’hui] en avant vendre nulle marchandise
en tant qu’ilz touche le garbellaige si
non garbellée et marquée de la marque
accoustumée à poyne [=peine] de confiscation
© Crédits
13v°
de ladicte marchandise
Item aussi pareillement, nulz
marchans quelz qu’ilz soient, ne
pourront vendre nulz garbeaulx
de quelque marchandise que ce soit
qu’ilz ne soient vannéz et espousséz [=dépoussiérés] et
nectoyéz des pierres et aultres ordures
que seront dedans par les quatres
garbelleurs, commys de par mesdicts
seigneurs les conseilliers, et marquée
pour garbeau en la sorte qui
s’ensuit [dessin] en noyr
Item est à notez que toutes
Marchandises, tant gingembres,
Poyvres, mesquins, giroffles, canelles
que aultres marchandise que se
trouveront marinéez [=ayant reçu de l’eau de mer] ou molliez [=mouillées] de
marine parmy le bon, ne seront point
marquéez pour bonnes comme les aultres ;
Et y aura une barre noyre au travers
de la marque pour congnoistre [=connaître] que
les marchans ne soyent déceuz [=déçus] et
trompéz et que la marchandise n’est
bonne ny loyalle ny marchande [=bonne à vendre]
comment ilz se appartient
© Crédits
14r°
Item si les marchans à qui seront
celles marchandises marinées [=ayant reçu de l’eau de mer] ou
molliez [=mouillées] les vouleissent fere trier,
la meschante deshors, se sera à leurs
despens et non aultrement
Pour ce qui se vent dedans
la ville de Lyon, plusieurs sucres
tant de Portingal, Madère, Sainct
Homer et aultres, tant en tonneaulx
que en quesses [=caisses], s’ilz s’en trouvoient fort
mal conditionnéz et rompuz, a esté
advisé que pour obvier [=remédier] à pleusieurs
questions, débatz et noyses [=noises] que lesdicts
marchans qui acchepteront lesdicts sucres
tant esdicts tonneaulx que en quesses [=caisses]
seront tenuz d’en prandre dix livres
pour cent desdicts rompuz soit en pousse [=poussière ou poudre]
ou en quasson [=cassonade], s’ilz s’en treuve de
rompuz dedans lesdicts tonneaulx ou
quesses [=caisses] Et se ilz se treuve de culz
de peins [=pains] de sucre de dimy pied en
haulteur et en rond seront prins
pour sucres entiers Et se ilz
se treuve de cassonnade ou quasson
plus desdites dix livres pour cent,
le marchant les luy baillera aulx
achapteurs à raison de trois livres
© Crédits
14v°
pour deux livres des entiers s’il plaist
au vendeur, sinon les pourra empourter
et en faire son prouffict
Item aussi a esté advisé touchant
des sucres fins que se ils se trouvoit quelques
quesses [=caisses] rompues malmenéez et mal conditionnéz,
seront tenuz lesdicts marchans en estre à
la dicte des deux maistres juréz de mestiers
et en accorder en sorte que lesdicts marchans
tant d’ung coustée que d’aultre soyent
coutans
Item aussi pareillement a esté advisé
que toutes marchandises que ont estez
garbelléezs par cy devant et marquée à
la manyère acoustumée de la marque et
cachept baillé par mesdicts seigneurs les conseilliers
aulx commis pour le garbeaulx, ne seront point
regarbellée porveu qu’elles soyent et se
treuvent bien garbelléez à la dicte desdicts
commis et des maistres jurez.
Item a esté advisé que toutes marchandises
que auront estéz garbelléez par les quatre
commis et juréz de la dicte ville et
marquée comment ilz s’appartient, si la dicte
marchandise est gardée d’une foyre à
© Crédits
15r°
aultre ou de deux ou troys foyres, si
la dicte marchandise se vent et qu’il
se trouvast pousse [=poussière] ou aultres ordures
Seront contrainct lesdicts marchans
de la fere regarbellée et marquée,
affin que nulle tromperie ne se face
Item aussi pareillement a esté
advisé que quant aura esté garbellée
quelque marchandise soit en gingembres,
poyvres, giroffles et aultres, marquées
au cachet à la manière acoustumée et
s’il se treuve que il y aye terre molliéez [=mouillée]
parmy les gingembres, en façon desdicts
gingembres ou pousse meslée [=poussière mélangée] par dedans
sera porté à la maison de la ville pour
les fere garbeller et en fere la raison,
telle qu’il appartiendra à mesdicts seigneurs les
conseilliers ou gecter [=jeter] en la rivyère affin
que nulle tromperie n’y soit faicte.
Item pour ce qui se vent
pleusieurs sortes de saffram [=safran] tant
sect que gras et que pleusieurs gaude [plante pour teinture jaune]
myneurs ilz font pleusieurs tromperies
que se ilz se treuve saffram meslée
aultre chose que saffram ou sans jaune
qu’il se trouvera charge estre teinct
© Crédits
15 v°
tant en herbe que en aultre chose
sera prins et bruslé par la justice
ainsi que sera ordonné
Item a esté advisé que se il
se trouvoit aucunes drogues falciffieez
que soient visitéez par les maistres
jurez du mestier commis par mesdicts seigneurs
les conseilliers joing [=avec] les commis dudict
garbellaige pour en fere justice ainsi
qu’il appartiendra
advisé que s’il l’en treuve aulcuns
marchans vendeurs qu’ilz vendent
aulcunes marchandises qu’ilz ne soyent
garbelléez ou mesléez de garbeau ou
aultre chose dedans lesdictes marchandises
ou qu’il y aye du marine [=marchandise ayant reçu de l’eau de mer] dedans si
elles sont marquéez pour bonnes seront
condempnéez à l’amende de perdre la
dicte marchandise et donnée à l’ospital
de ceste ville de Lyon selon la
description de mesdicts seigneurs les conseilliers
Item que en trouvant la dicte
marchandise ainsi brollié [=brouillée ou altérée] et meslée
de garbeau ou aultre chose que la dyte
© Crédits
16r°
Marchandise, l’on appellera le maistre
garbelleur et commis ensemble [=avec] les
quatres garbelleurs lesquelz seront
cruz à leurs seremens appellez avecques
eulx deux notables de mestier stillé [=formé]
en l’art, si ladicte marchandise
est loyalle et s’il y a esté faicte nulle
tromperie, est condempné ledit marchant
ou marchans que dessus.
Item a été advisé aussi
pareillement que s’il se treuve aulcune
marchandise que n’aye estez bien garbellée
et necte comme ilz s’appartient et qu’il
apparoisse qu’il n’y aye esté riens brollié [=brouillé ou altéré]
lesdicts commis ensemble [=avec] les garbelleurs
seront condempnez à l’emande [=amende] telle
qu’ilz plaira à mesdicts seigneurs les conseilliers
Item despuis a esté advisé
que toutes marchandises que se doyvent
garbeller qu’ilz sont à présent garbelléez
et marquéez, se vendront comment celles
sont et de ce jour en avant toutes
marchandises non garbelléez seront
garbelléez et se garbelleront comme
dessus
© Crédits
16 v°
Item a esté advisé que tous
marchans tant deça les montz que
de della les mons, de quelque estat
qu’ilz soyent, faisans trein [=train] de marchandise
apportans poyvres [=poivres] pour garbeller
soit de la pacte [=commerce] d’Anvers, de la pacte
de Rouen ou d’ailheurs ou aultre marchandise
quelle que soit pourtant garbellaige,
seront tenuz lesdicts marchans de mectre
lesdicts poyvres ou aultres marchandises
en balles ou en quesses [=caisses] pesant plus
hault de deux cens ou deux cens et
dix et non plus en poyant [=payant] les troys
soulz quatre deniers pour balle comment
est de coustume de poyer ou si passe ledict
poys de deux cens et dix livres lesdicts
marchans poyeront pour deux balles
que sont six soulz huit deniers tournois
et lesdicts garbelleurs seront poyéz an
double que sont deux solz tournois
Item a esté advisé que toutes
marchandises que se garbelleront
comme gingembres, poyvres, mesquins,
giroffles, canelles, muscades, greyne,
macis, poyvre long, gallingal, spice
nardi, follii, cassie fistulle, mommye, turbith,
zedoarii, cardamomi, carpo balsami, barbotine
© Crédits
17r°
Inde fine, encens, mastic et aultres
d’ymportance seront marquéez d’ung
lyon rampant imprimez de noyr et
au dessus troys fleur de lys sus le sact
de toylle dessus la cousture et cachaptée
du cachept acoustumé à cousté avecques
cire verde [=verte] et celles que se trouveront
taxéez seront barrez à travers de ladicte
marque d’une grande barre pour congnoistre [=connaître]
qu’elles ne sont pas loyalles ny
marchandes [=bonnes à vendre] et s’il est en quesse [=caisse]
ou barilles seront marquées et
cacheptéez comme dessus
advisé que touchant la marchandise
que se garbellera comment {=comme] ris, amandres
galles tant grosses que menues, anys
commin, et aultres de peu d’ymportance
après que elles seront estez garbelléez et
visitéez, seront marquéez du cachept
acoustumé en cire rouge mais despuis
mesdicts seigneurs les conseilliers ont regardé
que auculneffoys ledict cachept se ouste [=s’ôte]
Et que pleusieurs marchans preignent [=prennent]
de la cire et en mectent en aultres sacz
en foullant de l’ongle dessus ou d’ung
cousteau comment si c’estoit ledict cachept
© Crédits
17 v°
A ceste cause pour obvier [=remédier] aux
inconvénients a esté advisé que tant
seullement les dictes marchandises seront
marquéez d’une moyenne marque, c’est
assavoir d’ung lyon rampant imprimez
de noyr et au dessus troys fleur de lys
sus le sact de toylle dessus la cousture
et non cacheptéez
Item a esté advisé et ordonné
que quant on aura garbellé et espoussé [=dépoussiéré]
certeynes quantités de gingembres
et aultres pousses de nulle valleur
lesdicts maistres garbelleurs commys ou
les quatres garbelleurs feront prandre
lesdictes pousses et les pourter à
la mayson de ville ou les gecter [=jeter]
en la rivyère, affin que nulle tromperie
n’y soit faicte
que tous contreporteurs [=colporteurs] et aultres
vendeurs de saffran desgressez pour
saffran sect seront tenuz notiffier
à l’achapteur en le vendant que
c’est saffran desgressé et de mectre
marque expresse à leurs sactz la
quelle sera advisé par mesdicts seigneurs
© Crédits
18 r°
les conseilliers
que lesdicts quatres garbelleurs commis
jurez n’yront point en aulcung lieu
pour garbeller quelque marchandise
que ce soit, sans le fere assavoir aux
commis pour le garbeau affin que
nulle tromperie n’y soit faicte
sur poyne [=peine] de estre privez de l’office
que les quatres garbelleurs commis
et jurés par messieurs les conseilliers
de la dicte ville de Lyon que doresenavant,
quant ilz garbelleront eulx quatres, aulcunes
marchandises tous ensemble ou chacun
à part soy, soit en gingembres, poyvre, mesquin
greyne, giroffles, muscades, canelles, macis
ny aultres marchandises à garbeller, ne
garbelleront point que chacun ne marque
balles, quesses [=caisses] ou barrilles qu’ilz auront
fecte, sinon à chacun d’une marque, pour
scavoir et congnoistre [=connaître] celluy qu’il l’aura
faict
© Crédits
18 v°
Il est escript proverbiorum 3° C
de primitiis da pauperibus et implebuntur
horrea tua saturitate1 et que toute
négociation et marchandise prent
conduicte et accroissement permanant par
ausmone et cherité [=charité] comme dict l’Ecclesiaste
au chappitre VII car pour tout
certein notre seigneur donne bon advis
et préserve les cheritables eccle [ecclesiaste] XLII
C in Fi pour ce considérans que
les marchans espiciers et appoticqueres
de ceste ville de Lyon, confrères de la
dévocte et fructueuse confrerie de la
Magdelleyne, establye en l’ostel dieu
de Lyon que puis naguières faict
et construit une belle boticque d’apoticquère
audict hostel et icelle meublée et forny
de meubles nécessaires, médecines, oignements
propices dont les pauvres dudict
Hostel dieu ont esté jornellement secourus
et consolez, moyennant les biensfaictz
et ausmones des dicts confrères et pour ce
que à cause de la grande habondance
des pauvres mallades qui affluent
journellement audict hostel dieu, les
deniers de ladicte confrérie ny ausmones
ne peuvent fournir ny suppeter à ladicte
boticque et mallades dudict hostel et que
1
Citation du chapitre 3 du livre des Proverbes : donne les prémices (il manque de tous tes fruits) aux
pauvres et tes greniers seront remplis de blés
© Crédits
19r°
bien souvant, par faulte de provision,
lesdicts mallades ne seroient secouruz
ny visitez ainsi qu’il est nécessaire
A ces causes et aultres, nouz soubsignez,
désirans l’augmentation de la dicte
confrérie et boticque et le soulagement
desdicts pauvres mallades, voulons et
consentons en tant que à nous est
que de toutes noz marchandises que
seront garbelléez en ceste ville de Lyon
les garbelleurs commis par messieurs
les conseilliers de la ville de Lyon
recteurs du dict hostel dieu lièvent de
nous et sus nousdictes marchandises
la valeur du tiers du garbeau, oultre
le droict encommancé du dict garbeau
Pourveu et parmy ce que ledict
garbelleur jurera entre les meins
desdicts seigneurs conseilliers de tenir
et randre bon compte et reliqua
de ce qu’il lèvera incontinent après
chacune foyre et les deniers qui
auront estez levés sus nousdictes
marchandises sans aultre mandement
desdicts conseilliers seront baillez et
délivrez ez corriers qui sont et seront
commis en ladicte confrérie et en prenant
quictance desdicts corriers ledict garbelleur
© Crédits
19v°
sera quicte. Et néanmoins seront
tenuz lesdicts corriers convertir et
employer les dicts deniers en drogues
médecines, oignements, huylles, sucres,
conffitures et aultres choses nécessaires
pour le soulagement et secours des
mallades dudict hostel dieu et de
ce ensemble des aultres deniers
de la dicte conffrérie lesdicts courriers
rendront bon compte et relicqua
chacune année es aultres confrères
ou leurs commis et à ce consentiront
lesdicts conseilliers en plein consulat,
sans ce touteffoys que cecy se puisse
tirer en conséquence sinon tant que
ilz plaira et bon semblera à nous
soubzsignez et que notre bon vouloir
et dévotion durera et que aultrement
verrons estre à faire et en signe
de ce avons signé et soubscript ces
présentes de noz mains en l’honneur de
Notre sauveur Jésus Christ et de cherité
qui nous a sus toutes choses recommandez
lequel par sa bonté nous donne
tousjours bon vouloir et ardant désir
d’augmenter la dicte confrérie et
vacquer aulx œuvres cheritables
Et que puissions à la fin estre
© Crédits
20 r°
du nombre de ceulx qui en son dernier
Jugement pour avoir esté en ce monde
cheritables seront appellez en son
heure ainsi qu’il est escript Mathei
XXV C, André de Larbent, Jehan
Camus, Claude Teste, Jehan Michiel
de Thomassin, Rambert Geoffrey, Pierre
Archimbaud, André de Beaumont, Jehan
Scarron, Guillaume Gauteret, Barthelemi Ferrier
Philippe Guichard alias Rambauld
Senssuit ce que les commis
pour le garbellaige preignent
pour balles de marchandises
qu’ilz se garbellent en ceste
Ville de Lyon comment appart
par les ordonnances cy escriptes
ordonnées par messieurs les
conseilliers de ladicte Ville de Lyon
Et premièrement
Gingembres
Poyvre
Mesquin
Giroffles
Muscades
pour balle
pour balle
pour balle
pour balle
pour balle
2s 8d
3s 4d
2s 8d
5s 4d
5s 4d
s.=sou ou sol, 20 sous font 1 livre
d.=denier, 12 deniers font 1 sou
© Crédits
20 v°
Canelles longues
Escamichon de canelle
Greyne de paradiz
Macis
Poyvre long
Gallingal
Cassie fistule
Fustz de giroffles
Cappelets de giroffles
Rompes de muscades
Encens
Amandres
Ris
Mastic
Galles grosses
Galles petites
Tous garbeaulx
Turbith
Barbotina
Anys en greyne
Comyn
Coriandres
Fenugret
Spicenardi
Greyne de magalet
Inde fine
Zedoarii
Mirre
Gomme draggant
Gomme edere
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
5s 4d
5s 4d
3s 4d
5s 4d
5s 4d
4s
5s 4d
4s
4s
4s
4s
1s 4d
1s 4d
4s
1s 4d
1s 4d
4s
5s 4d
5s 4d
2s
2s
2s
2s
5s 4d
4s
4s
4s
4s
4s
4s
© Crédits
21 r°
Tous mirobolans
Carpobat
Cubebes
Gomme lacque
Mommie
Glasse
Hermodactes
Folii
Terra merita
Sene de levant
Eufforbii
Gomme et lempin
Carthami
Yris
Cardamomi
Colloquintides
Scamonee
Tuthie fine
Calami aromatici
Piretri
Cocque de levant
Sercacolle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
4s
4s
5s 4d
4s
4s
4s
4s
5s 4d
2s 8d
4s
4s
4s
2s
4s
4s
4s
4s
4s
4s
4s
4s
4s
Senssuit ce que les quatres
garbelleurs commis et jurés par
messieurs les conseilliers de la Ville
de Lyon preignet [=prennent] au garbellaige
pour leurs poynes [=peines] et vaccations
© Crédits
21v°
Gingembres
Poyvre
Mesquin
Greyne
Giroffles
Muscades
Canelles
Macis
Gallingal
Poyvre long
Fustz de giroffles
Cappelets
Tous garbeaulx
Muscades longues
Cassie fistulle
Encens
Amandres
Ris
Mastic
Galles
Turbith
Barbotina
Anys en greyne
Commin
Coriandres
Fenugret
Spicenardi
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
10d
1s
10d
1s
2s
2s
2s
2s
1s
1s
1s
1s
1s
1s
2s
1s
3d
3d
1s
3d
1s
2s
10d
10d
10d
6d
2s
© Crédits
22 r°
Greyne de magalet
Inde fine
Zedoarii
Mirre
Carpobat
Cubebes
Gomme lacque
Mommye
Glasse
Hermodactes
Folii
Terra merita
Sene de levant
Sene de Florence
Eufforbii
Gomme elempin
Carthami
Yris
Cardamomi
Colloquintides
Scamonee
Sercacolle
Calami aromatici
Tuthie fine
Piretri
Cocque de levant
Gomme dragant
Gomme edere
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
pour balle
1s
1s
1s
1s
6d
1s
1s
1s
1s
6d
1s
6d
1s
1s
1s
1s
6d
6d
10d
1s
1s
1s
6d
1s
6d
1s
1s
1s
© Crédits

La transcription du manuscrit - Archives municipales de Lyon

Transcription

Documents pareils

Attelage de boeufs affectés au transport de la morue à Grande

IREL : dossier individuel de bagne : Anwalt, Jacob

IREL : dossier individuel de bagne : Bertrant, Aimé

IREL : dossier individuel de bagne : Lolla, Jean

IREL : dossier individuel de bagne : Birouchen Mohamed ben Salah

IREL : dossier individuel de bagne : Ali ben Hadj Kouider

IREL : dossier individuel de bagne : Amar ben El Hadef

IREL : dossier individuel de bagne : Bordelle, Alexandre

IREL : dossier individuel de bagne : Fouka Ali ben Hadj Hamza

IREL : dossier individuel de bagne : Wong Fook