Akli Yahyaten Ah ay axxam d acu ik-yuɣen Ini

Akli Yahyaten Ah ay axxam d acu ik-yuɣen Ini

Axxam
Akli Yahyaten
Ah ay axxam d acu ik-yuɣen Ini-yi d wik yennuɣen
Anida llan imawlan-ik
Aaaaaah wid ik-izedɣen ṛuḥen
Ah ay axxam wik-isluɣen
Atan yeɣli-d fell-ak leḥzen
Anida llan awk leḥbab-ik
Aaaaaah wid ik-izehun ṛuḥen
Ggen-d lwεaḥc deg wemkan-ik
Waεḥcen-k ula d ljiran-ik
Ya dra d acu-k d-essukksen
Aaaaaah ya dra d acu-k d-essukksen
Asmi telliḍ di zman-ik
Aεlay aεlay leqdeṛ-ik
I yiss-ek yettmettilen
Aaaaaah i yiss-ek yettmettilen
Dima tnewweṛ teftilt-ik
Zeddig zeddig wemkan-ik
I tfeṛḥeḍ s inebgawen
Aaaaaah i tfeṛḥeḍ s inebgawen
Dayen tura yekfa lxir-ik
Iεeṛq-asen webrid-ik
Ah amzun ur k-ssinen
Aaaaaah amzun ur k-ssinen
Yejreḥ wul-iw deg wemkan-ik
Mi walaɣ walaɣ leḥyud-ik
Eṛṣant wallen-iw seg imeṭṭawen Aaaaaah eṛṣant wallen-iw seg imeṭṭawen
Yemɣi-d leḥcic deg agens-ik
Yerna yeɣli-d sseqf-ik
D lfiran ik-izedɣen
Aaaaaah d lfiran ik-izedɣen
Dayen tura erkan lelwaḥ-ik
Ihudd ula d arref-ik
Metlen fell-ak ifassen
Aaaaaah metlen fell-ak ifassen