Idiofa Pake 2014 Jeudi et Vendredi Saint Homélie

Idiofa Pake 2014 Jeudi et Vendredi Saint Homélie

JEUDI SAINT
MONITION
Na Nzambi na beto lukumu,
Na Nzambi na beto kiese,
Na Nzambi na beto ntonda,
Na bana Nzambi kiese,
Na beto yonso ayayéeee !
Beto ikele na kiese na kukutana bubu na kati ya kimenga yai ya misa sambu na
kusungimina kilumbu ya Mfumu na beto Yezu-Kristu imene kuganga Kisakramento
ya Ukaristia.
Ikele mpi na kilumbu kaka yo yai mosi ya Kristu me ganga kisakramento ya
ntumba ye ke pesa na bantumwa na yandi ye bubu na banganga-Nzambi kiyeka ya
kusala mutindu yandi salaka. Bubu ikele nkinsi ya banganga- Nzambi na beto yonso.
Na banganga-Nzambi yonso ayayéeee !
Na kilumbu ya bubu, Kiya ya Santu, beto ke yantika bilumbu tatu ya nene ya beto
ikele kubingaka nde : Triduum Pascal. Bilumbu yai tatu ikele kukotisa beto kibeni
na maswekamu ya lufwa ti ya lufutumuku yaYezu-Kristu.
Kisakramento ya Ukaristia ikele kisakramento ya lutondo, ya bumosi (communion)
ye ya kimvuka ya Kristu ke pesa na beto bantu. Yandi ikele kukipesa na beto bonso
madia ya mioyo ye ya Luzingu ya kukonda nsuka. Yandi ke binga beto mpi na
kukitondana beto na beto mutindu yandi me sala. Kana yandi ke ndima na kuyobisa
makulu ya balongoki na yandi, kele na kusonga na beto mutindu yandi ke tonda beto
ye ke ndima na kukikulumusa bonso nsadi ya kieleka. Beto zaba mpi kusadila ye
kusadisa bampangi na beto yankaka.
Na ntwala beto kutambika kimenga yai ya santu-santu, beto kudila ntete masumu na
beto.
Idiofa Info service 00243816702590
HOMELIE JEUDI SAINT
Bampangi batondama,
“Beno tondana beno na beno”.
Na kilumbu yai ya ntete yaTriduum pascal, dibundu ikele kusungimina kilumbu ya
Mfumu na beto Yezu-Kristu, imene kuganga kisakramento ya Ukaristia ti ya ntumba.
Yo yina, kwa Yandi imene kubakisa nde ntangu na yandi me lunga yandi ke vukisa
balongoki na yandi na kudia madia ya nsukakumosi ye Yandi. Buna Yandi imene
kubikisila beto Luzolo na Yandi ya nsuka (testament) : “Beno tondana beno na
beno” ye “ Beno ta salaka yau na kusungiminaka mono” (1Co 11,24-26).Tala
kisina ya Kisakramento ya Ukaristia: lutondo ya kukonda nsuka.
Kaka na bangogo yina Yezu ke pesa kiyeka na balongoki ti na bilandi na bo na
kusalaka bonso Yandi imene kutuma: na kukitula mampa ti vinu, nitu ti menga na
Yandi.
Bampangi,
Na Kisakramento yai ya Ukaristia, Yezu-Kristu ikele kupesa beto nitu ti menga na
Yandi sambu nde beto kuzwa luzingu ya kieleka ye ya kukonda nsuka.” quiconque
mangera mon corps et boira mon sang aura la vie éternelle”(Jn 6,51). Kisakramento
yai ya Ukaristia ikele kidimbu ya lugulusu ye ya lutondo ya Yezu-Kristu ikele
kunatila beto; ye na nsadisa ya Ukaristia ; konso mukristu ikele kubaka Dienga ya
Yezu-Kristu ke kukitula beto bansadi sambu na kusadila bampangi na
beto. « L’eucharistie nous procure des grâces et nous rend missionnaires auprès de
nos frères et soeurs ».
Ukaristia ikele kidimbu ya bumosi (communion)-kimvuka. Ya beto ikele kufina na
mesa ya santu, beto fwete sosa ntangu yonso na kuvanda ngindu mosi ye ntima mosi
kaka; mpamba ve, kana beto ikele kuzingila bumosi, beto ta zwa ba dienga ya mpila
na mpila. L’eucharistie en elle-même est une action de grâce.
Yo yina bampangi, beto me bakisa bunene ya Kisakramento yai ya
Ukaristia, mono ke dodokila beno na kuyidika ntangu yonso kisakramebto yai, sambu
ikele Kristu Yandi mosi imene kubikila beto yo. Mutindu ya beto ke yidikaka madia
Idiofa Info service 00243816702590
na beto, ba nzo na beto, bilele ya beto ke lwata; beto kuyidika mpi kimenga ya misa
(soignons notre liturgie, pourqu’elle soit belle et priante): yo vanda ba mbayimbayi, bana ya misa, chorale, ba musiciens, banganga-Nzambi; konso muntu
kuyidika misa na kiyeka na yandi. Beno pesa mpi luzitu na Kisakramento yai; zitisa
nitu ya Kristu; kuvweza yo ve; pesa yo lukumu ya nene. Yo yina, na ntangu ya beto
bakristu ikele kudia nitu yaYezu-Kristu ti kunwa menga na yandi, beto fwete kusosa
na kuvanda mungwa ti mwinda ya ke sema na ntoto mvimba, kusosa nde bantu
kuzinga na lutondo, na masonga ti na ngemba.
Na kusengumuna mbote-mbote yina ya Kristu me sala, na nima ya kuganga
kisakramento ya Ukaristia, Yandi me sukula makulu ya bantumwa; disongidila nde:
Ukaristia fwete kupusa beto na kuvanda ntangu yonso ba nsadi. (L’eucharistie nous
pousse au service). Ya nge me yamba Kristu na Ukaristia kwenda kusadila yandi na
luzingu na nge ye na kati ya ba mpangi. Kidimbu yai ya Yezu me sala, ikele kusonga
na beto na kuvanda kaka bansadi ye na kudikulumusa ntangu yonso. Ye Yandi mpi
ikele kulomba na beto na kuzingila lutondo yina ti bampangi na beto; lutondo na
bansukami, bansiona, bankwidi, bambefo, bimona mpasi ya ikele na kati na beto.
Bampangi batondama,
Na mukanda ya ntete, nsoniki kele kuzabisa beto nde na ntangu ya ntama ikele menga
ya mwana dimeme ya kugulusa bana ya Israël ya kuvandaka na kimpika na nsi ya
Egypiti. Yai mambu ya kusalamaka na kuwakana ya ntama.
Kansi na kuwakana ya mpa, ikele diaka ve menga ya bambisi to ya baniama ya ikele
kugulusa beto, kansi ikeleYezu-Kristu Yandi mosi muntu ikele kugulusa beto na
nsadisa ya menga na yandi.Yandi ikele kukatula beto kimakulu ye na mbala mosi na
kimpika ya masumu. Yandi imene kusala yau mbala mosi. (Le Christ s’est offert
une fois pour toutes ; il n’a pas besoin, comme les grands prêtres, d’offrir plusieurs
fois les sacrifices).
Bampangi batondama,
Bubu yai mpi Kristu ikele kuganga kisakramento ya ntumba ya ke pesa na bangangaNzambi kiyeka na kutambikaka kimenga ya misa tii kuna ya Kristu ta vutuka . Ikele
mpi ntangu ya beto fwete tala kana beto ke zitisaka banganga-Nzambi ti kisalu na
bau : Nganga-nzambi ikele muntu ya Nzambi me sola na kati na beno, familia,
Idiofa Info service 00243816702590
bwala. Dibundu ke pesa yandi kiyeka ya kutambikaka kimenga ya misa sambu na
lukumu ya Nzambi ti lugulusu na beto bantu.
Muntu mosi ve lenda kukipesa kiyeka yina ; Ikele Kristu ke binga nge na nzila ya
dibundu ye pisekopo ke ndima nge na kusadila Nzambi ti bantu. Personne ne se
consacre prêtre de lui-même ; c’est le Christ qui appelle par l’Eglise et l’Evêque
confirme cet appel pa r l’ordination sacerdotale.
Nganga-Nzambi ikele yina ya ikele kunatila beno Nzambi ye kutambika beno na
Nzambi. Beno samba mingi sambu nde Mfumu Nzambi kupesa beto bangangaNzambi ya kieleka, ya lutondo, ya ngemba. Nde na mafalia na beto, beto kunata bana
ya mbote sambu na kisalu yai ya mbalu-mbalu ya kusadila Nzambi ti bantu. Beno
simbisa banganga-Nzambi na beno ; beno sadisa bo na bo kuvanda ve ntantu-ntantu,
nkatu kiese ; beno vanda na ntima ya nkenda na kulolula mambi na bo (ce sont des
personnes fragiles) ; beno longisila bo ye beno pesa bo kiese ya kuzingila kingangaNzambi na bo ; beno zitisa bo ; beno kabisa bo ve. Bo ikele bansadi ya Nzambi ti ya
beno : muntu ya nkaka ve ta pesa beno Nzambi kaka Nganga-Nzambi. Keti beno ke
bakisa bunene ya kisalu yai ?
Mes frères dans le sacerdoce, en ce jour où nous fêtons l’institution de
l’eucharistie, laissez-moi vous rappeler quelques paroles de la préface du Dimanche
I pour en faire avec vous une méditation : « Dieu a fait de nous, une nation sainte, un
peuple racheté, une race choisie, un sacerdoce royal ».Vous portez ces noms glorieux
pour une mission spéciale, celle d’annoncer au monde les merveilles de Dieu et son
Eternel Amour.
Le mardi, lors de la messe chrismale, j’ai vous ai longuement parlé. J’ajoute ceci : Le
sacerdoce que vous revêtez est un Service pour l’Eglise et le monde. Ainsi, mes
frères dans le sacerdoce , servez l’Eglise à travers ce peuple don vous avez la charge
faites-le avec beaucoup de douceur, de tendresse (comme j’ai souvent l’habituide de
revenir comme le Saint Père sur ce mot) et plein d’humilité, comme le Christ luimême, le Grand Prêtre nous l’a appris. Ne vous fatiguez pas à courire derrière
l’argent, cette idole tyranique. Tous, nous avons besoin d’argent pour vivre ; mais
que l’argent ne vous pousse pas à perdre votre âme et l’Amour du Christ et de son
Eglise.
Idiofa Info service 00243816702590
Vivez et cultivez entre vous la charité sacerdotale parce que vous n’êtes pas deux
peuples, pas deux nations mais « un peuple, une nation » ; (Ez 37,21-23). Que la
collaboration et la communion sincère règnent dans nos différentes communautés.
Dans nos communautés, donnons de la place au dialogue ; aux solutions concertées et
partagées.
Dans l’exercice de votre ministère dites-vous toujours que vous n’êtes que des
serviteurs et que l’on ne vous regarde qu’ainsi (1Co 3,1-4 ); n’en tirez surtout pas
orgueil ; conduisez le peuple de Dieu vers la vérité ; soyez pour eux un pasteur, un
berger et qu’ils soient pour vous des brebis ; donner leur du poisson et non un
serpent ; ne soyez pas pour eux des loups qui les dévorent ; cherchez à connaître
leurs soucis et qu’ils vous écoutent parce que vous êtes un berger pour eux (Jn 10,111).
Bika nde bisambu ya Mama Maria kusadisa bakristu yonso ti banganga-nzambi
yonso, Yandi ya ikele Mama ya banganga-Nzambi, na kukangama ti Pisekopo na bo,
na mvula yai ya lutungu ya diocèse na beto, na kuvukisa ngolo ti ngangu na beto ye
beto yonso kuzingila bumosi.
Na beno yonso ngemba ya Pake.
+José MOKO EKANGA
Pisekopo ya Idiofa
Idiofa Info service 00243816702590
VENDREDI SAINT
Bampangi batondama, bana ya Nzambi,
Konso mvula, dibundu ke pesa beto ntangu ya kuyindula ye ya kulanda mbote
mbote maswekamu ya lugulusu na beto na lufwa ti lufutumuku ya mfumu na beto
Yezu-Kristu.
Na mposo yai ya santu ya mvimba, beto me ndima na kutala Kristu ye na kulanda
mbandu ya yandi me bikila beto. Ye bubu, na Kitanu ya Santu, beto ke zola
kusungimina kilumbu yina ya Kristu me katula beto na kimpika ya masumu na ngolo
ya menga na yandi ya santu, mutindu yandi me kangudila beto nzila ya zulu na lufwa
na yandi ya mpasi na zulu ya kulunsi.
Bonso Kristu me nunga mbeni satana na kulunsi, beto fwete kusosa mpi na kubakisa
mbote mbote diswekamu yai ya kulunsi na luzingu na beto bakristu; kuzaba mbote
nde kulunsi fwete vanda sambu na beto nzila ya lugulusu. Mpila ya mbote na kupesa
luzitu na Mfumu na beto ikele na kufukimina kulunsi.
Kulunsi ikele kidimbu ya nene ya lugulusu na beto.
Beto fwete kusengumuna nde na Luzingu na beto kulunsi lenda kukondana ve; ye
konso muntu ikele ti kulunsi na yandi. Beto me wan de Kristu me losa ve kulunsi na
yandi; Yandi me kwamina ti yo tii na zulu ya kulunsi. Beto ikele bakristu sambu
Yezu kufwaka na zulu ya kulunsi.
Mpasi ya Yezu me mona, yo yina me natila ntoto na beto kiese, ngemba, lugulusu ya
kieleka. Kristu me ndima lufwa ya nsoni sambu na nge! Sambu na kugulusa nge.
Bampangi batondama,
Idiofa Info service 00243816702590
Na kulunsi Kristu ke songa na beto lutondo na yandi ya nene-nene sambu na beto
bantu ya masumu. Yandi ke kangula maboko na yandi na kuyamba bantu yonso: yo
vanda bantu ya mbote to bantu ya mbi, bamiyibi to ba yina ya ikele na Luzingu ya
mbi. Yandi ke binga konso muntu na kuyantika luzingu ya mpa. Yonso yina sambu
na kusonga na beto nde yandi ikele kugulusa beto yonso na
lutondo na yandi, yandi ke vukisa bantu yonso ya ntoto mvimba na familia kaka
mosi: Dibundu.
Menga ti masa ya me noka na ntima na Yandi ikele kusukula beto yonso ye ke
kangisa kinduku yina kimakulu ti Nzambi.
Bampangi batondama,
Beto imene kuwa nde, bo me fwa Yezu sambu na masonga; ye Yudasi me teka yandi
sambu na muyibi ya mbongo. Yo yina, beto kukeba na mbongo: sambu na mbongo,
beto ke mwesa bankaka mpasi, beto ke yekula ye ke vweza bampangi na beto. Si beto
yonso ikele ti mfunu ya mbongo sambu na kudia, na kusansa nitu, na kulwata, na
kufuta mbongo ya bana na nzo-nkanda,… Kansi, mbongo kusala ve nde beto
kuvidisa moyo na beto.
Beto yindula mpi fioti na yina ke tadila masonga: bubu na bwala na beto ye nsi na
beto, luvunu me bilama mpila ve, yo yina bwala na beto ke toma ve. Muntu yak e
tuba masonga, bo ke sosa na kufwa yandi go na kusala nde yandi kuzwa mpila ya
kutuba ve. Konso muntu me kuma kusosa kaka intérêt na yandi mosi. Beto vanda
bantu ya ke sosa masonga sambu na kutomisa bwala na beto yen si na beto.
Na ntwala ya mampasi ya ntoto yai, zaba kukanga ntima, zaba kukwamina, kuvutula
ve mbela na mbela, mbi na mbi go nku na nku.
Na kulunsi, Kristu ke longa beto na kulolula bampangi yonso ya lenda kusala na beto
mbi. Beto ikele na nswa diaka ve ya kuvanda bonso bamimpani ya ke vutula ntangu
yonso mbela na bampangi.
Yandi mosi me pesa mbandu na ngogo na yandi yai: “Tata, lolula bo sambu bo ke
zaba ve inki ya bo ke sala”. Beto mpi, konso ntangu ya mpangi kulenda kukota beto
Idiofa Info service 00243816702590
nsoki, beto kulemba ve na kulolula yandi, na kusamba sambu na yandi na mpila nde
yandi kubalula ntima ye kutambula lugulusu ya Kristu. Beto bika bimbeni na kati na
beto, na zina ya Kristu; beto buya bitumba na kati na beto; beto sosa ngwakana.
Bampangi,
Kulunsi ya Kristu ke songa beto bima iya ya mfunu kibeni sambu na luzingu na beto:
lutondo ya kukonda ndilu, ndodula, nkwamina na ntangu ya mampasi ye bulemfu na
luzolo ya Nzambi ata mpasi ikele.
Beto ta vukisa bisambu na beto kumosi ti Dibundu ya mvimba ya ke samba bubu
sambu na bimvuka yonso ya ntoto mvimba nde konso muntu, konso kimvuka
kusengumuna na kulunsi ya Kristu ya beto ata kuvumina kidimbu ya lugulusu na
beto.
Beto ta lomba yina yonso na nsadisa ya bisambu ya Mama Santa Maria ya me landa
Yezu tii kuna Kalvari.
+José MOKO EKANGA
Pisekopo ya Idiofa
Idiofa Info service 00243816702590