ta`iala o amioga pulea
Transcription
ta`iala o amioga pulea
Samoan TA’IALA O AMIOGA PULEA ‘AU MAIMOA/MATUA Te’ena amioga saua pe solitulafono, pe faia e tagata ta’a’alo, faia’oga, ofisa, matua ma le ‘au maimoa. Talia ma le faaaloalo faai’uga a le laufali – ‘aua le faitio pe finau i faai’uga i le taimi poo le mae’a ai o se taaloga. Amio pulea! O le gagana le tusa ai ma taaloga, amioga tau faamata’u ma soona fai o le a le taliaina. Faamalosi i tagata ta’a’alo e tausisi i tulafono ma faaaloalo i tagata o leisi ‘au atoa ai ma ofisa. ‘Aua le tau faifai pe ‘amusia se tagata ta’alo ona ua ia faia se mea sese – aloa’ia lona taumafai. Ia malamalama, o taaloga o se vaega o le soifuaga atoa faale-tagata, ma o ona aoga e sili atu na i lo le sikoa o se taaloga e tasi. Auai i tapua’iga e faamalosi ai i tagata ta’a’alo o se ‘au o loo e tapua’i iai; ‘aua le faia tapua’iga e faatupumisa pe tau faamata’u ai i tagata o leisi ‘au poo la latou ‘au tapua’i ma ofisa. Ia manatua, e mafua ona ta’a’alo tamaiti i le Lakapi Liki, ina ia maua ai so latou faafiafiaga, ae le mo ‘oe! I taimi uma lava, mulimuli i faatonuga mai le Pule o le Malae ma/poo isi tagata faigaluega mo lea aso. ‘Aua lava ne’i e auai i se taaloga a Veaga Laiti o le Liki ae o e aafia i le ‘ava malosi, ‘aua ne’i e aumaia se ‘ava malosi i se taaloga Liki a Vaega Laiti, ma faatoa mafai ona e inu ‘ava, pe a o maua, i se tulaga taupulea i nofoaga faasinoina ma laiseneina. O le a’oga sili mo le fanau e mai le faata’ita’iga. Samoan TA’IALA MO AMIOGA PULEA - FAASALAGA Maitau – o le tiute tau’ave o kalapu le pulea o amio a a latou tagata ta’a’alo, matua/e tausia tagata ta’a’alo, faia’oga, ofisa ma le ‘au maimoa. 1. E le mafai e se/ni tagata e auai i se taaloga ona: a. Faaoga gagana masoa ma le taupulea i seisi tagata ta’alo, laufali, laufali laina, ofisa poo seisi o le ‘au maimoa; b. Ulufale i totonu o le Malae o se Taaloga ae o faia se taaloga, e aunoa ma le muamua faatagaina e le Pule o le Malae e pei ona tofia e le kalapu talimalo ma/poo le liki; c. Finauina le faai’uga a se laufali poo le laufali laina i le taimi poo le mae’a ai o se taaloga; d. Faaoolima pe faia uiga tau faamata’u i se/ni tagata; e. Faia ni uiga e le tala feagai ma lenei Ta’iala mo Amioga Pulea ma/poo le agaga o le taaloga; f. Faia ni uiga e aafia ai le fiafia o seisi/nisi tagata i le taaloga, pe ta’uvaleaina ai le kalapu talimalo ma/poo le liki; g. Faia pe faaalia ni amioga e faailoga lanu, e auala i ‘upu e lafo ma uiga faaalia i seisi/nisi tagata; h. Musu e talia faatonuga tala feagai mai le Pule o le Malae, ofisa o le kalapu talimalo ma/poo le liki, poo ofisa o le ‘au/kalapu o loo tapua’ia e lea/ia tagata. 2. Soo se /ni tagata e solia le Tulafono 1 e mafai ona lipotia e le Pule o le Malae i le Pule o le ‘Au poo nisi ofisa o le ‘au o loo tapua’ia e lea/ia tagata. A leai se Pule o le ‘Au o auai, o se faatagi poo se faatonuga mai le Pule o le Malae i soo se ofisa lava o lea ‘au poo le kalapu a lea ‘au, o le a avea o se faatonuga i le Pule o le ‘Au i le vaai a lenei Ta’iala. 3. O le Pule o le Malae ma/poo le Pule o le ‘Au e fautuaina se/ni tagata i vaega o lenei Ta’iala ua latou solia. E tatau i le Pule o le Malae ona faamau au’ili’iliga tusitusia o lana lipoti i le Pule o le ‘Au i le pito i tua o le lisi o le ‘au. 4. A faaauau pea le amioga le pulea, e mafai e le Pule o le Malae ma/poo le Pule o le ‘Au ona talosagaina se/ni tagata o faia ia amioga le pulea ina ia tu’ua faavave le malae. E tatau foi ona faamauina lea i le lisi o le ‘au. 5. A faaauau pea ona le usita’ia e se/ni tagata le faatonuga mai le Pule o le Malae ma/poo le Pule o le ‘Au, e mafai e le Pule o le Malae ona faatonuina le laufali e faamuta le taaloga. A faamutaina le taaloga i se auala faapenei, e mafai e le kalapu ma/poo le komiti o le liki, i la latou pule tu-tasi, ona ave ‘ai o le taamilosaga i le ‘au e le o solitulafono, pe filifili foi e leai se ‘au o ‘au nei e lua e mauaina ‘ai o le taamilosaga . 6. O kalapu uma e le mafai ona latou pulea a latou tagata ta’a’alo, matua/e tausia tagata ta’a’alo, faia’oga, ofisa, poo le ‘au maimoa, e mafai ona vala’auina e le liki e talia faai’uga e afua mai i a latou amioga, ma e mafai ona tu’uina faasalaga nei (e faaopoopo i ni faasalaga e ono aumai e le faamasinoga a le liki): • MOLIAGA MUAMUA O se sala tupe e le sili atu i le $500, ma/poo le faoa o ‘ai o le taamilosaga, ma/poo le faasaina le tumau o se tagata ta’alo ona toe ta’alo, ma/poo le faate’aina le tumau o se/ni tagata solitulafono mai le toe auai i taaloga i le lumana’i. • MOLIAGA LONA LUA Faate’aina o se tagata ta’alo, ma/poo se ‘au, ma/poo se kalapu mai le taamilosaga mo se taimi le tumau. • MOLIAGA LONA TOLU Faate’aina o se tagata ta’alo, ma/poo se ‘au, ma/poo se kalapu, mai le vaega o totoe o le taamilosaga, poo le faate’aina tumau. O le Solia o lenei Ta’iala mo Amioga Pulea, e mafai ona taofia ai se ta’aloga!
Documents pareils
Saunoaga o le Konafesi Aoao - The Church of Jesus Christ of Latter
ai e Peresitene Boyd K. Packer le
Malumalu matagofie o Brigham City
Temple i lona nuu moni na soifua
ma ola a’e ai.
E pei ona ou ta’ua muamua, e leai
lava se fale e fausia e le Ekalesia e sili
atu ...