Iljazi Lirim - Naturpark Pfyn

Schreibwettbewerb „Bi iisch...“
LIRIM ILJAZI
PS vs XBOX
Postfach 65 | 3970 Salgesch | Tel. +41 (0)27 452 60 60 | [email protected] | www.pfyn-finges.ch
PS vs XBOX
Dr Hans und dr Peter träfunt schich z`Siders bim Ali Baba in der Shishabar. Schi
heint da abgmacht, um uber die PS und XBOX z`rädu. Schi heint schich wellu
einigu, welli Konsolu besser isch. Schi beställund shich beidi en Shisha, eine
nimmt Wassermelonu und der andere nimmt Kokosnuss .
Hans : Häsch du en PS oder en XBOX?
Peter: Nei, aber ich will mer eine vo dene beidu keuffu.
Hans: Ich würdi der die PS vorschlah.
Peter: Ja, wieso de?
Hans: Ja, jetzt fregsch so bschissu.
Peter: Gopfe, was soll das? Benim di wie en Maa, bi nit so güät druf.
Hans: Öh, Peti ich weiss, dass i di biz agro gmacht ha, aber chum abricha, chum
abricha!
Peter: Ja, nei hittu hani än schlächta Tag erwischt.
Hans: Ja, zläbu ish keis Biskuit.
Peter: Ja, de verzähl äbu eppis va der PS.
Hans: Ja, die Grafik isch sehr güät. Mu cha schich ohni Problemi ah mäldu und
alli mini Kollegu heint än PS, de chani immer mit dene zocku.
Peter: Ja, das isch so, PS isch eifach besser und mu sälti das eu so betrachtu.
Hans: Ja, ich keufu mer än PS. Dü häsch mi uberzigt.
Peter: Ja, das freut mi äbu.
Hans: Aber wie isch de mit dene Häcker?
Peter: Ja, es git ap und züä Häcker, aber nur in summu Spilini, zum Bispiel MW2
/ MW3. Aber das sind eu älteri Spilini, da häts nu vill Lücke offu, wo mu schi
häcku cha, was biz blöd isch, aber egal, mu chat`s trozedem zocku.
Hans: Ja, stimmt, aber ich ha sowieso nix gägs die Üser, die heint GOD MODE,
ah, das willi nit.
Peter: Ja, aber de geisch eifach raus üs der Lobby, de isch ds Problem glest.
Hans: Ja, aber ich würdi keis Spil hacku, das isch es biz Pussy-Modus, oder nit?
Peter: Ja, chum, ich kännu viel Häcker, wa diär hälfunt und alles frii schaltunt, das
isch güät. Oder isch das fer dich schlecht?
Hans: Ja, äbu das findi güät.
Peter: Ja, de seiti, ischers Gspräch sigä fertig. Oder häsch nu was wellu los
wärdu ?
Hans: Eigentlich nit. Danku der fer allz, ich keufu mer jetzt sicher en PS.
Peter: De isch güät. Ade und danke diär.
Hans: Danku diär du bisch en richtige Hayvan. Bis ds negsch Mal.