Apre sikse komersial ek kritik ki Le Secret de Brokeback Mountain

Apre sikse komersial ek kritik ki Le Secret de Brokeback Mountain

Apre sikse komersial ek kritik ki Le Secret de Brokeback Mountain finn kone, finn ena lezot fim
‘mainstream’ avek omosexialite pou tematik prinsipal. Parmi sa bann fim-la, ena The Kids Are All
Right, enn prodiksion indepandan ki finn nomine, kouma Le Secret de Brokeback Mountain, pou
bann Oskar, notaman dan kategori meyer fim.
The Kids Are All Right tret tem omosexialite femininn dan enn fason realist ; li evit bann stereotip lor
bann omo e dan sa sans-la, bann fim kouma The Kids Are All Right ed konbat bann prezize ki existe
kont bann omosexiel. Parski fim-la tret tem omoparantalite egalman ou plito sirtou, li montre bann
konplikasion ki kapav existe dan enn tel tip konfigirasion familial.
Parski fim-la bien doze dan so tretman bann personaz, parski li montre enn koup e zot bann lien avek
zot bann zanfan, fim-la reisi reprezante ki lavi enn koup omo avek bann zanfan kapav ete. Senaryola fer intervenir enn konplikasion a-traver personaz doner-sperm-la ki imis li dan lavi fami-la. Bien ki
sa enn devlopman romanesk, li ena merit poz bann kestion pertinan lor revelasion lidantite donersperm a bann zanfan enn koup omo e so bann konsekans.
Par so realism e so tonalite touzour zis, fim-la nek kapav kontribie donn enn zis reprezantasion bann
omo e zot lavi antan ki enn inite familial.