Soa Ieràna

K A S A I O M B O N A N ’ N Y M A L A G A S Y A M P I E L E Z A N A ( « K A S A »)
Komity Mpamolavola – 17 septambra 2015
Soa Ieràna
Savararonando
Soatoavina Fehizoro
RAHA NAHATSAPA IZAHAY mpikambana amin’ny Komity
Mpamolavola ny Kasa iombonan’ny Malagasy Ampielezana
Mahatoky sy itokiana. “Mahatoky sy itokiana”: izany no vato
fehizoro voalohany mampihaona sy mampitambatra ary mampiray.
Tokony tsy ikelezan-tsoroka ny fizahavana, fitandrovana ary
fampiasana amin’ny tsara izany hoe “matoky sy itokiana” izany.
Tsy mora ny manao izany kanefa ny dingana voalohany tsy henjana
loatra: miezaka hatrany hiaina avy hatrany izay torian’ny vava,
hamadika izany ho asa mivaingana.
•
FA ny Malagasy Ampielezana dia afaka mamokatra bebe kokoa
– ho an’izy tenany sy ho an’ny tany niaviany – raha toa ka
mifandrindra kokoa;
•
FA ny Malagasy Ampielezana, izay lavitry ny lojikan’ny “samy
miavo-tena” izay mandratra mafy ilay tany niaviana, dia tokony
hiantsoraka ny fandinihina sy famelomana indray ny atao hoe
fifarimbonana sy firaisan-kina ary miaina izany;
•
FA ny Malagasy Ampielezana tsirairay avy dia afaka mitondra
ny anjara-birikiny amin’izany adidy masina izany, avy any
amin’ny tany misy azy avy;
DIA nanapa-kevitra hitondra ny anjara birikinay
•
AMIN’NY ALALAN’NY fanomanana sy fanaovana
fihaonamben’ny Malagasy Ampielezana eran-tany, fihaonambe
antsoina hoe “Kasa iombonan’ny Malagasy Ampielezana”.
Vina lasitra: Malagasy Ampielezana miray hina ka mahavita
bebe kokoa ho an’ny tenany sy ny tany niaviany noho ny zavabitany sy ny famendrehany.
Matoan’asa: Mampifanena ny dian’ny Malagasy Ampielezana
ary mamela azy ireo hamaritra ny zotra iarahana sy/na ataon’ny
tsirairay ho an’ny sy mankany amin’ny firaisan-kery mafonja
kokoa.
Toe-tsaina mifehy: Ny Komity Mpamolavola dia tokony
manantanteraka avy hatrany, eo anivon’izy tenany, izay toriany
amin’ny hafa, ka mijoro sahady ho tsimoky ny “Kasa Iombonan’ny
Malagasy Ampielezana”.
Tanjona
•
•
Mba hivondrona ho IRAY... na ho angovo samihafa MIRAY…
ny Malagasy Ampielezana: MIRAY mba ho angovompanolorana sy angovo mahefa fandraisan’olompirenena anjara
metimety kokoa amin’ny fampandrosoana; MIRAY mba ho
angovo miara-dia amin’ny tena fandrosoana marina amin’ny
lafiny rehetra any Madagasikara;
Mba hisy fifarimbonana misimisy, noho izany, amin’ny samy
Malagasy Ampielezana: izany, izany irery no fomba
ahazoan’ny Malagasy Ampielezana manampy marina ny
tenany, ny firaisa-monina niaviany ary ny tany niaviana - satria
amin’izay fotoana izay izy dia fitaovam-pampandrosoana
mirindra sy voakajy.
Faniriana Avo
IZAHAY DIA MANIRY ahita ny “Kasa Iombonan’ny Malagasy
Ampielezana”
•
Hitondra fijery vaovao, fijeren-tena hafa kokoa, famelàna ny
hafa hijery ny tena ary indrindra indrindra firaisan-kina
misimisy amin’ny fanaovan-javatra miaraka sy/na tsy miaraka;
•
Ho lasa rafitra mahasoa ny rehetra, na any amin’ny Malagasy
Ampielezana izany (anisan’izany ireo izay tsy miombo-kevitra
amin’izao izao ezaka izao) na any an-tanindrazana;
•
Hamelona fanantenana, na dia tsirim-panantenana fotsiny aza,
eo amin’ny Malagasy Ampielezana sy any Madagasikara.
Tsikaritra tokoa mantsy fa mihamahazo vahana hatrany ny
hakiviana.
Irin’olona fa tsy haniry olona. “Ambasadaoro” ho an’ny tany
niaviantsika isika Malagasy Ampielezana. Noho izany, raha tiana
ny ho ambasadaoro mendrika (indrindra ny mpikambana ao
amin’ny Komity Mpamolavola izay ho fantatr’olona hatrany satria
navoaka an-gazety ny zotra “Kasa”) dia tokony ho olona
“irin’olona fa tsy haniry olona” amin’ny izay atao sy ny fihetsika.
Ny hoe “irin’olona fa tsy haniry olona” dia ampiharina ihany koa
amin’ny zotra mankany amin’ny hetsika “Kasa” ary mandritra io
hetsika io. Tokony ho modely azon’ny hafa raisina ireo zavatra roa
ireo.
Firaisan-kery misoroka ny atambo sy voina . Ilay firaisan-kina
mahazatra antsika dia tsy mahomby loatra intsony satria niova ny
vanin’andro. Io firaisan-kina io mantsy mazàna miandry voina,
aorian’ny voina (fahafatesana, marary mafy, very asa, sns.):
firaisan-kina “vonjy ranovaky”. Tokony mikatsaka endrimpiraisankina vaovao isika: firaisan-kina tsy miandry voina fa
firaisan-kina “mahasoroka” (voina): firaisan-kina izay mahasoraka,
na fara faharatsiny mampiena voina sasantsasany toa ny fahantrana.
Ahoana no fanaovana an’izany? Tsy misy fanao azo raisina avy
hatrany. Fa ny azo antoka kosa dia izao: tsy firaisan-kinan’olona
“mifankahazohazo” loatra izy io fa tokony ho fijoroana mavitrika
miainga amin’ny soatoavina nifampieràna sy nifanekena, ary
fampiraisana, fampiasàna miaraka, fanolorana ny tsara sy mendrika
indrindra ao amin’ny tena: hay-raha, trai-kefa, enti-manao, hay-tao,
fahaizana mitondra tena, fahendrena, sns. Tsy firaisan-kina loatra
intsony fa firaisan-kery misoroka ny atambo sy voina mihitsy.
Matoan-kevitra
Mahaleo tena. Amin’ny fomba mahaleo tena tanteraka hatreto no
nandrosoan’izao zotra “Kasa” izao. Koa rariny sy hitsiny ny
Komity raha manohy izany amin’izany fomba mahaleo tena izany
kanefa am-pandinihina. Rariny sy hitsiny ihany koa raha tontosaina
amin’izany fomba izany ny asa rehetra ho atao mandritra ny
“Kasa”. Ny anton’izany, voalohany indrindra, dia izao: ny asa
imasoana dia mikasika ny hoavin’ny Malagasy Ampielezana
manokana ary momba ny anjara birikin’ny Malagasy Ampielezana
manokana amin’ny fampandrosoana ny tany niaviany. Koa mazava
fa afaka manao izany, afaka mifandrindra amin’izany amin’ny
fomba mahaleo tena sy arak’izay itiavany azy ry zareo kanefa kosa
am-pandinihina. Marihina nefa fa ny hoe “mahaleo tena” dia tsy
midika hoe mahavita-tena ary indrindra tsy midika hoe olon-ko azy.
Farany, ho fanamafisana izany hoe “mahaleo tena” izany dia
voarara ho an’ny mpikambana amin’ny rafitra rehetra mikarakara
sy manantontosa ny “Kasa” ireto manaraka ireto: (1) toeran’olomboafidy, (2) andraikitra ofisialy miainga amin’ny politika na
miendrika politika, (3) asa eo anivon’ny rafi-pahefàna malagasy.
Tsy idiran’ny politika. Araka ny fototra ijoroana hoe “mahaleo
tena”, ny zotra “Kasa” voalohany indrindra dia tsy naorina noho ny
resaka politika. Manarak’izany dia tsy manana fifampikasohana –
na akaiky na tsia - amin’ny politikan’antoko, politika fitadiavantseza na “polifika” izy, ary koa tsy fehezin’izany na mianki-doha
Soa Ieràna
| Komity Mpamolavola ny « Kasa iombonan’ny Malagasy Ampielezana (KASA) » | 2 amin’izany sy amin’ny “fivoatran’ny toe-draharaha politika any antanindrazana”. Be loatra tokoa manko ny ratra sy takaitra
(fisaraham-bazana, fifankahalàna, sns.) navelan’izany “toedraharaha politika any an-tanindrazana” izany teo amin’ny
Malagasy Ampielezana (ratra sy takaitra izay indraindray nandrava
tsotra izao mihitsy ezaka sasantsasany tena mendri-pideràna izay
nomanina sy notanterahina an-taona maro) koa rariny loatra raha
mba maka lesona avy amin’izany.
Tsy idiran’ny fivavahana/finoana. Araka ny fototra ijoroana hoe
“mahaleo tena”, ny zotra “Kasa” dia tsy naorina noho ny resaka
fivavahana na finoana. Manarak’izany dia tsy manana
fifampikasohana akaiky na tsia amin’ny fivavahana, fiangonana na
finoana izy, ary ireto resaka ireto dia sady tsy anisan’ireo resaka
ifantohany velively no tsy ampidiriny mihitsy amin’ny zavatra
ataony. Kanefa tsy mandà ny fidiran’ny mpino ho mpikambana izy.
Hetsik’olompirenena tsotra. Any amin’ny fiarahamonim-pirenena
(société civile) ary ve no misy ny zotra “Kasa”? Tsia.
Hetsik’olompirenena tsotra tsy misy fangarony izy io (démarche
citoyenne na citizen committment). Ny fiarahamonim-pirenena
mantsy na dia ivelan’ny sehatra politika aza dia mazàna miorina na
miasa noho ny resaka politika. Ny “Kasa” kosa tsy toa izany.
Tsy mialon-jafy. Ny zotra “Kasa” dia tsy mialon-jafy, izany hoe,
raha ny tokony ho izy, misokatra ho an’ny Malagasy Ampielezana
rehetra tsy ankanavaka. Marihina anefa fa na eo aza ireo fototra
ijoroana hoe “mahaleo tena” kanefa am-pandinihina, “tsy idiran’ny
politika” ary “tsy idiran’ny fivavahana/finoana” voalaza etsy aloha,
dia ekena ho mpikambana ny mpanao politika sy mpino avy
amin’ny Malagasy Ampielezana raha toa ka mahatondra tena toy ny
olompirenena tsotra fotsiny, tsy mampifangaro resaka. Iza ary anefa
ity Malagasy Ampielezana nodradradraina hatrany am-boalohany
eto ity? Famaritana mihatra amin’ny zotra “Kasa” irery ihany ity,
ka ny atao hoe Malagasy Ampielezana voalaza eto dia: (1) izay
rehetra mitonona sy mijoro ho Malagasy, na inona faritra na foko
na karazan’olona iaviany, ka monina maharitra ivelan’i
Madagasikara, ary ny vadiny sy ny zanany; (2) na mahay miteny
malagasy izy na tsia, na mizaka ny zom-pirenena malagasy izy na
tsia; (3) hafa tsy ireo izay tsy afaka mitondra tena tanteraka sy/na
malalaka toy ny olompirenena tsotra rehetra, noho ny asa amandraharaha sahaniny na sata manokana mifehy azy.
Mitandro ny maha izy ny tena. Tokony ho fatra mpitandro ny tena
maha izy antsika isika (intégrité), eny fa na dia mba ahafahantsika
ho « mahatoky sy itokiana » fotsiny aza. Manarak’izany dia ilaina
ny mari-pahamendrehena ara-toetra (intégrité morale na moral
integrity). Koa ny mpikambana tsirairay ao amin’ny Komity
mpamolavola ny “Kasa” dia tokony hitandro hatrany ary
manatevina, raha ilaina, izany mari-pamendrehana ara-toetra izany
(fahitsi-po, fadiovam-po, tsy fivadihana, finiavana amin'adidy, sns.)
ary koa kalitao hafa (tsy mijery tombotsoa manokana, tia/mahay
mizara, tia/mahay mihaino, toe-tsaina mivelatra, manaja ny hafa,
saina mahaforona, tsy mihejan-doha, liam-panavaozana ary tsy
lavon-tsakana, sns.).
Miori-paka amin’ny maha Malagasy. Izay “tena maha izy antsika”
izay dia tsy ho feno raha tsy ao ilay zavatra kely iray sarotra
faritana mahatonga antsika hahatsapa fa Malagasy isika. Io zavatra
kely sarotra faritana io, moa va io tsy ilay “faka” malagasy mitoetra
any anatintsika lalina any? Tokony hamaly ny antson’izay “faka”
izay isika ary miezaka arak’izay tratra hampiorim-paka izay
toriantsika sy ataontsika amin’ny “maha malagasy”. Izany, izany
irery ihany no afaka hampamirapiratra feno ny hoe “irin’olona fa
tsy haniry olona” izay imatimatesana – satria tsy Malagasy vitsy no
ho voakendry amin’izay fotoana izay, fa ny Malagasy rehetra.
Lovain’ny taranaka aman-jafy mifandimby. Ny ezaka rehetra efa
natao (ny tsy fijerena tombotsoa manokana, ny fanoloram-po, ny
fitandremana an’itsy sy iry, ny asa rehetra tontosaina) sy izay
mbola ho atao mandritra ny 10 volana mahery (amin’ny
fampihaonana olona an-jatony maro mieli-patrana eran’izao tontolo
izao, fampihaonana azy ireo voalohany eo amin’ny tantaran’ny
vahoaka malagasy!), izany rehetra izany dia tsy tena misy dikany
raha tsy voatozana aorian’ny fahavelomantsika tsirairay avy ny
vokany... Noho izany dia tokony ho avadika ho « tambakery »
(institution) ny “Kasa”. Satria tambakery – miori-paka amin’ny
foto-pisainana malagasy - irery ihany no afaka hanampy antsika
hiara miatrika moramora kokoa sy haingana kokoa ny sedra sy ny
fanamby manoloana sy miandry antsika.
Miandany sy miaraka amin’ny tanora. Farany, ny tambakery tiana
ho ampitaina amin’ny taranaka aman-jafy mifandimby dia tsy ho
tomombana raha tsy miaraka amin’ny tanora. Ny hoavy mantsy tsy
dia ny hoaviKO loatra. Ny hoavy dia TSY IZAHO INTSONY; ny
hoavy dia NY HAFA. Koa tokony mijery indrindra “izay tokony ho
ataontsika ho an’ny zanak’ireo zanantsika” isika, manangana sy
mamariparitra dieny ny eto sy dieny izao ny kianja ivelaran’ireo
tanoratsika eo amin’ny sehatra sosialy, ekonomika, koltoraly,
politika, sns. Ny Komity dia tokony mitrandraka lalam-baovao HO
AN’ny tanora sy MIARAKA AMIN’ny tanora, làlam-baovao
ahafan’izy ireo mifanabe, mifanasoa sy mifanatsara hatrany ary
ahafan’izy ireo mandray anjara feno. Ny hoe mampifanena dia dia
mampifanena ihany koa ny dian’ny sokajin-taona samihafa.
Teny Filamatra: Hery mitambatra no zotra filamatra.
Ireo mpikambana ao amin’ny Komity Mpamolavola ny « Kasa iombonan’ny Malagasy Ampielezana »:
Jean Razafindambo (Kanada), Bary Randresiarisoa (Kanada), Alain Valency Rakotondrandria (Afrika Atsimo), Andréa Zafitody Li-Sai Chimento
(Dubai), Sophie Rakotoarinohatra (Frantsa), Pascale Jeannot (Frantsa), Vahinala Raharinirina (Frantsa), Jean-Claude Rabeherifara (Frantsa),
Tamara Berakoetxea Remanindry (Frantsa), Guy Andriamihamina (Frantsa), Roger Rabetafika (Frantsa), Patrick Rakotomalala (Frantsa),
Philippe Rajaona (Frantsa), Vanondahy Ravoajanahary (Frantsa), Olivier Ralison (Frantsa), Rado Andrianarijaona (Frantsa), Yolène RothHanitriniaina Miora (Frantsa).
Komity Mpikarakara ny KASA 2016
(Fikambanana ara-dalàna naorina any Frantsa hikarakara ny KASA 2016 ho atao any Aix-en-Provence any Frantsa ny volana jolay 2016)
Birao Mpitantana
FILOHA
Roger Rabetafika (Aix-en-Provence, France)
[email protected]
SEKRETERA JENERALY
Patrick Rakotomalala (Malakoff, France)
[email protected]
MPITAM-BOLA
Guy Andriamihamina (Lille, France)
[email protected]
Fikambanan’ny Malagasy Ampielezana eto Canada
(Fikambanana mijoro ara-dalàna any Canada hikarakara ny KASA 2016 ho atao any Montréal any Canada ny volana mey 2016)
Birao Mpitantana
FILOHA
FILOHA LEFITRA
MPITAM-BOLA
Bary Randresiarisoa (Montréal, Canada)
Jean Razafindambo (Ottawa, Canada)
Solo Razafimahandry (Montréal, Canada)
[email protected]
[email protected]
[email protected]
Soa Ieràna
| Komity Mpamolavola ny « Kasa iombonan’ny Malagasy Ampielezana (KASA) » | 3 Olona Ifandraisana Mikasika ny Kasa FARITRA AMERIKA
FARITRA AFRIKA SY
REHETRA
RANOMASIMBE INDIANA
Jean Razafindambo
Alain Valency Rakotondrandria
128 Burnett’s Grove Circle,
15 Creek Crescent, Woodmead,
Ottawa, Ontario K2J 1S9,
Johannesburg 2191, SOUTH AFRICA
CANADA
[email protected]
[email protected] FARITRA AZIA SY
AFOVOANY ATSINANANA
Andréa Zafitody Li-Sai Chimento
DUBAI,
United Arab Emirates (UAE)
[email protected]
FARITRA EOROPA
REHETRA
Patrick Rakotomalala
3, rue Danton, 1er étage,
92240 Malakoff, FRANCE
[email protected]